اسال اللي بعدك سؤال محرج وورط اللي بعدك

[حربي المدينه]

من زمان ما ضحكنا خلونا نضحك شوي
المهم ودي تشاركون باللعبة اللي هي
اللي يدخل يشوف اللي قبله -هو وحظه- ان كان فيه سؤال - محرج ولا غيره - ما عليه الا يرد على السؤال
وان كان فيه جواب (( يسال اللي بعده سؤال )) ويا ليت يكون (( سؤال قوي ))... من الصميم



هههههههههههههههههههههههههههههههههههههههههههههههههه ههههههههههههههههههههههههههههههههههههه
عساكم بس فهمتوا ان شالله -- والا انا عجزان لا عيدلكم الشرح-- المهم ابدأ انا
طبعا السؤال للي بعدي يبي يرد


س/ متى آخر مخالفه اخذتها؟ وليش؟

[nader77]

الاجابة تحت

[nader77]

قبل سنه تقريبا ..... صادني المرور في لفة وماامداني اربط الحزام

ماهي الصفة التي تشعر انها تسئ الى شخصيتك ؟

[أبوأريام]

اتهامي بالكذب



ااسؤال للى بعدي <<<<<< كم عمرك >>>>>>>

[راعي الحلال]

ماله داعي السؤال
فكرت اطلع وارد بعد ما يتغير السؤال لكن































نقول العمر


















يوم غزو الكويت كان عمري
















بأول الطعشات






حلوها انتم






السؤال للي بعدي



الله يسلمك نبغى نعرف كم انتج حلالك من بداية السنه الى الأن
ومقدما تبارك الله

[nader77]

انتظرت ساعات أحد يرد ولم أجد احد وقوانين اللعبة لا تمنع التكرار .

الانتاج السنوي ولله الحمد اكثر من 500 رأس .

السؤال للى بعدي : ماهي اكبر خسارة مالية خسرتها في حياتك ؟

[أبو عمر]

السلام عليكم ورحمة الله وبركاته

أولا أشكر صاحب الفكرة الجميلة

وأكبر خسارة كانت في الاسهم الله لايعيدها كانت ثمانون ألف ريال

والسؤال هو ؟

هل تنوي الزواج بالثانية مستقبلاً

[تصلال]

الآجابه:عساها بحمولها تثور
الله لا يقوله
السؤال للي بعدي
انت تقضي وقت اثناء النهار اكثر مع عائلتك ولا مع غنمك؟
عطنا بلساعه ؟

[أبوأريام]

اقضي اكثر مع اهلي طبعآ

وماهو على كل حال يوم لك ويم عليك غلبآ من بعد العصر الي المغرب او العشاء

الســــــــــــــــــــــــــــــــــؤال

هل تقوم بشراء الاعلاف شهريآ اوتقوم بالتخزين وعطنا الفرق الله لايهينك

[nader77]

عدت من جديد والعود احمد

شراء الاعلاف تقريبا حق شهرين خصوصا الرودس والبرسيم
طبعا الشراء بالتريلا

اما الشعير حق اسبوع تقريبا

والفرق كبير سواء في توفير المال والجهد

السؤال : هل تمنيت انك لم تدخل في مجال تربية الاغنام ؟

[وليد الباشا]

ورطت يبو حمدان
قبل ما يرتفع العلف كنت بالشهر ولما ارتفع بالاسبوع ومافي فرق كثير لان غنمي قليله في حدود 50 راس ( الله يبارك فيها )
السوال للبعدي
هل قرات سورة الكهف الجمعه الماضيه
قال الرسول ( صلى الله عليه وسلم ) من قراء سورة الكهف يوم الجمعه كانت له نورمن الجمعه الى الجمعه ) او كما قال الرسول الكريم

[بوعيسى]

السلام عليكم ؛
لا والله ماتحسفت دقيقه واحده
هل تعرضت للسرقه من قبل ؟

[محمدالحربي]

قبل سنة

ايه تعرضت للسرقة لكنها بسيطة وهي عبارة عن رافعة ديزل (طرمبة ) للحراثة

والعمالة شادة حيلها في تجميع الخردة وكان عندي يمني شاك في سلوكه من أول وهلة لذا بسرعة جبت معه واحد صومالي أمين المهم كنت دائما أخوف اليمني بأني أستطيع فك شفرات الحرامية السرية واستطيع كشفهم بطرقي الخاصة

في يوم كنت ابغى اشيل الطرمبة والبراميل لأنها كانت بعيدة في أطراف المزرعة واخبرت اليمني على بكرة وبالصدفة

الصومالي قال ابغى اروح السوق وفي نفس اليوم زارهم ضيف يمني وبعد العشاء اخبرني اليمني بأنه جاء مجموعة من الشباب السعودي شالوا البراميل والطرمبة قلت هين بكرة راح اقلك من اللي سرقها

وجيت في اليوم التالي وقلت له اللي سرقها خويك اللي جاك امس وانا متأكد بعد يومين سوى نفسه مريض وانوا يبغى يسافر قلت له يالله مع السلامة كنت ابغى الفكة منه ولا اقدر أظلمه بغير اثبات بعدها استقرت ا؟لأوضاع عندي

قبلها كان هناك يمنيان يقومون بسرقة الحديد من المزارع وفي يوم بعد العشاء فيليلة ما بها قمرا وانا جالس في مكان مرتفع الا واشوف ذيك السيارة اللي دخلت المزرعة في طرفها البعيد وفيه خردة حديد قلت للسوداني هيا معي نشوف ايه الحاصل ما قصر خاواني ويم جيت مالقيت غير السيارة ولا جنبها احد ناديت ناديت ما احد يرد المهم فتحت كبوت السيارة وسحبت سلك الديلكو واخذته واعود حيث ما كنا جالسين انتظر شوي يمكن احد يجينا يمكن ساعة واعود مرة ثانية قلت بسحب السيارة واقطرها لين العزبة ويوم قربت السيارة الا وهم طالعين اثنين يمنا رافعين ايديهم تكفا والله ما عاد نعودها اهاااااااا يالحرامية تبون تسرقون قسم بالله لو شفتكم هنا ما تشوفون غير الفرش واللي ما يسركم

كلمت واحد سارقين من عنده حديد قلت له تعال شوف الحرامية رد على قال امسكهم لين الصبح تكفا قلت لا والله شايفني مخفر شرطة

نكاية فيه اطلقت سراحهم بعد ما صورتهم بالجوال عشان ما عاد يعودونها

سؤالي :

مالموقف المحرج الذي تعرضت له ؟

[حربي المدينه]

اشكركم جميعا
الجواب:اذكر نامت رجلي في صلاة الجمعه وقمت وطحت على اللي جنبي ثم قمت وطحت مره ثانيه عليه

استعدوا لسؤال:

س:متى اخر مره ماتت عندك احد الاغنام؟



الله يبعد الخساره عن الجميع...

تحياتي

[صعب المنال]

بصراحة فكره وااااايد حلوة
وآخر مرة مات عندي تيس الاسبوع الماضي مباشره بعد الولاده سبب الوفاه الاختناق بفضلات ما بعد الولاده

السؤال
هل حبك لزوجتك اكبر ام حبك لغنمك؟