تثبت يا اخوي ابو عناد

[راع الشقحا]

السلام عليكم ورحمة الله وبركاته

لقد اعلنت مسبقا عن توفر 50 راس من الطليان النجديه في هذا الرابط


http://aghnam.com/vb/showthread.php?p=71377#post71377


ثم تم بيعها وطرح الاخ ابو عناد اعلانه عن طلب 20 راس فقط وقمت انا بالرد على موضوعه بانني استطيع توفير للزبون الى حد 500 راس
http://aghnam.com/vb/showthread.php?p=73513#post73513


اتصل بي ابو عناد ولم يوضح لي اسمه وسالني عن ال50 راس وافدته انه تم بيعها

تفاجات بعدها انه كتب وبالخط العريض اتصلت فيك ياراع الشقحا وقلت ماعندي وين ال500 راس؟؟؟؟؟؟


يابو عناد تثبت قبل ان تشكك في مصداقية الاخرين ولك مني كل الشكر والتقدير

[أبوأريام]

هلا راعي الشقحا

التمس لاخيك سبعين عذر

واذا ملازمين عندك تيس عشاء

وعند ابوعناد طلي وابشر بالحضور

دمتم وجميع الاعضاء بكل خير

[راع الشقحا]

حياك الله ياخوي يابو اريام
حقك انت وشرواك حاشي مهب او تيس او طلي
لك خالص تحياتي

[أبوأريام]

هلابك راعي الشقحاء

الله يسعدك وينعم عليك

ويبارك لك في حلالك

[محب الحلال]

حياك الله ياخوي يابو اريام
حقك انت وشرواك حاشي مهب او تيس او طلي
لك خالص تحياتي


على فكره ترى احد الأخوان عارض حشو للبيع فرصه نكسبه وندسم شورابنا ههههه الله يدحر الشيطان

[راع الشقحا]

مشكور اخوي محب الحلال

عز الله انك ابن حلال

تحياتي

[abu3nad]

اخوي راعي الشقحا انا ما اشكك في اي كان ولله الحمد والمنه
عندما اتصلت فيك لم اذكر لك لا 50 ولا 500 سألتك عن طليان حريه رديت بقولك ماعندي
والغريب انك ذكرت باستطاعتك توفير 500 في ردك على موضوعي .
وعندي شهود على المكالمه
واللي يبي الحق مني يبشر بالحق وما يلحق
بعد ثبوته

الدعوى فيها حقوق وعلى الطرفين الجلوس للحق
وانا ابوعناد

عموما طلبي اخذته من السوق يالله لك الحمد والشكر اسال التوفيق لي وللجميع

عنوان موضوعك غريب وكأني متهجم عليك(( هديء من روعك
ترى الموضوع اخرته ذبيحه تجلس لها عكف الشوارب )).

[راع الشقحا]

( هديء من روعك
ترى الموضوع اخرته ذبيحه تجلس لها عكف الشوارب )




صدقت فعلا وترا ماوصلت المساله للحقوق والشهود كل الموضوع فهم خطا منك ومني

ويشهد الله ان اللي فهمت من كلامك انك تسال عن الخمسين الي سبق الاعلان عنها والله خير شاهد

[تمام]

جزاكم الله خير
وربي يوفقكم دنيا واخره