طلب إبداء الرأي ضروري

[أبوأريام]

السلام عليكم ورحمة الله وبركاته

وش رأيكم في هذا التيس عمره 3شهور

له مستقبل وينفع في شي وإلا أضربه في الثلاجه

[أبوأريام]

وين الشباب 19 واحد مر


مافيه واحد حتي ماني قايل

[تمام]

هلا وغلا
ابو اريام ابشر وانا اخوك

التيس كل مواريه طيبه جبر ونحره وسيع وجرمه كبير ماشاء الله ونظر لكن يبقى السؤال المهم هل الماعز من نفس النوع والنيه انتاج ولا مزايين

ربي يوفقك
ولاتنس تطبيق شروط العرض المثبته في اعلى الصفحه

[صدى الخاطر]

ما شاء الله تبارك الله
الله يزيدك من فضله ويبارك لك في حلالك
مثل ماذكر اخوي تمام مواريه ان شاء الله انها طيبه جبر وجرمة زين
موفق بإذن الله ... لك مني أجمل تحية .

[أبوأريام]

شكرآ لمرورك صدي الخاطر

[هواياتي]

من وجهة نظري يا ابو اريام اوافق الاخوان على ملاحظاتهم

اذا كنت بتنتج للذبح فيصلح فحل و طيب

واذا للمزاين اول شي اللون ( ابيض ) وبإعتقدي ذا اللون غير مرغوب فيه على الإطلاق

لذا اضربه في الثلاجة واعزمنا علية

هههه

موفق ان شاء الله

[أبوأريام]

هلابك هوياتي

الحقيقه التيس غالي على قلبي

لكن ابشر انت ومن تحب نضرب بغيره في البرميل (الميفاء)او(التنور) اختر الاجابه الصحيحه


اسعدني مرورك

[سلطان الحربي]

ما شاء الله تبارك الله
كل ما فيه زين مثل ما قالو الاخوان
لكن في اساله هل امه وابوه زينين وبتحديد امه هل انتاج الحليب فيها ممتاز وجبرتها لانه بياخذ من صفاتهم
والله يطرح فيه البركه

[أبوأريام]

ما شاء الله تبارك الله
كل ما فيه زين مثل ما قالو الاخوان
لكن في اساله هل امه وابوه زينين وبتحديد امه هل انتاج الحليب فيها ممتاز وجبرتها لانه بياخذ من صفاتهم
والله يطرح فيه البركه


هلابك اخوي سلطان

الحقيقه التيس نتاج تجربه لي شخصيه وهو تهجين

امه شاميه بيضاء وجبره طول وعرض وغزارة حليب واسمها ام الثلاثه ماشاءالله وابو عارضي وكها من حلالي

وهذا الناتج اخذلون امهه وشكل ابوه بنسبه كبيره فيه لفه بسيطه في الخشم لكني احبه

وسميته الثلجي وفيه نيه اخليه فحل لنوعيه اخرى عندي وهو ماشالله اكبر من الى قبله بشهرين

اسف علي التأجير مشرفنا الغلي

اخوك ابو اريام

[راعي البارجه]

مشاء الله
عسى الله يباركلك

[أبوأريام]

مشاء الله
عسى الله يباركلك

وانت كذالك اخي الكريم

واسعدني مرورك الكريم

[صعب المنال]

مشالله تبارك الرحمن

[الخليفة]

التيس طيب والله يرزقك برزقه

[FAFAFA]

السلام علكيم
الله يبارك

[المهند]

واللي يرحم والديك لاتذبحه..

والله لو هو عندي حطيته فحل وأنا مغمض عيوني..

[أبوأريام]

صعب المنال

الخليفه

fafa

اشكركم على المرور وبارك الله فيكم

[أبوأريام]

واللي يرحم والديك لاتذبحه..

والله لو هو عندي حطيته فحل وأنا مغمض عيوني..

اشكرك واذا تامر عليه يفداك

دمت بالف خير

[هدووووء العااااااصفة]

السلام عليكم ورحمة الله وبركاته

وش رأيكم في هذا التيس عمره 3شهور

له مستقبل وينفع في شي وإلا أضربه في الثلاجه
ههههههههههههههههههههههههه
والله ظحكتني
شوف وانا احوك الثلاجه احسن

[أبوأريام]

ههههههههههههههههههههههههه
والله ظحكتني
شوف وانا احوك الثلاجه احسن

حياك الله

الحمد لله انك خرجت من هدوووووووءك

[عبدالله السعيد]

وإذا بتقني جعلك راعية

إذا بتبيع أنا شراي الله يحفظك

والرد على الخاص