مطلوب 50 راس

[عدنان الحربي]

الاخوة الاعزاء اعضاء ومشرفين المنتدى
السلام عليكم ورحمة الله وبركاتة


فيه واحد عزيز علي وبيتزوج ويبغى له 50 راس ( رخال او طليان) اعمارها 5-6 شهور
واسعارها معقوله


وياليت تكون من مراح واحد



للتواصل على الجوال0554499856


الموقع جدة وضواحيها

[أبوأريام]

الف مبروك للمتزوج وعقبا لك

لكن المفروض يكون الموضوع في ساحه البيع والشراء

علشان ممكن تلقاء طلبك

[صدى الخاطر]

حياك الله اخوي مثل ماقال اخوي ابو اريام دق ريوس يم ساحة البيع والشراء ويفيدونك الاخوان هناك ان شاء الله

[الأفندي]

وعليكم السلام ورحمة الله وبركاته


الله يحييك أخوي عدنان ومبروك مقدماً


====


تم نقل موضوعك للمنتدى المختص


وإن شاء الله الإخوان مابيقصرون

وبتحصل مطلوبك عندهم إن شاء الله.

[ابو حمد11]

السلام عليكم ورحمة الله وبركاته
اخوي عندي 35 بهم حريات العمر من 5 شهور الى 6 شهور و سمان

[الأفندي]

ابوحمد11 ولاتهون ياليت تحط وسيلة اتصال

لكي يتمكن صاحب الموضوع من التواصل معك


الله يوفق بينكم إن شاء الله.

[mohammad sh]

مبروك للمتزوجين وعقبال العزاب

بكم يشتري رخال طيبة ارسال السعر على البريد التالي

mohammad_1404@hotmail.com

وشكرا

[عدنان الحربي]

اخوي ابو احمد كم حدك في 35 طلي


واخوي محمد كم عدد الرخال اللي عندك وكم طالب فيها

[راعي العامريه]

بسم الله الرحمن الرحيم
عندي يا الطيب طليان ورخال نعيميه من 5 - 6 شهور
الحوال طيبه وسمينه ومراحها واحد
عددها 38 ما بين رخل وطلي
وموفق انشاء الله

[اخو مزنة]

من واقع خبرة أخي عدنان وش تبي بالطليان للعرس العروس مايذبح فيها طليان ، اشتر غنم اسنانها من رباع الى سدس تطلع ارخص واكبر حجما والطباخين بيقطعونها ويطبخونها لك طبخ مضبوط اما الطليان فأولا ثمنها خيالي يعني 50 طلي اقلها 30000 ريال ، وثانيا ماتكفي لأن حجمها صغير احذر تقطع في خطأ مثل هذا ، وانصح خويك يختصر زواجه وشوله يجمع امة الصمد ، ولك تحياتي وبالتوفيق

[ابو حمد11]

السلام عليكم ورحمة الله وبركاته
احوي البهم بايعين منه شلقه قبل اسبوعين على 715 فالدوادمي
والحين باقي هذا والسوم على هذا وصل 680
من اللي شرا البهم الاول

[صمت الكبرياء]

موفق بإذن الله ... لك مني أجمل تحية .

[mohammad sh]

عندي 50 رخله على 700