وش رايكم في هذا الانتاج ؟ وهل يصلح فحل ؟

[ابن الريف]

بسم الله الرحمن الرحيم

السلام عليكم

حبيت آخذ رايكم في هذا الطلي وهل فيه علامات الفحل الجيد ؟
عمره 6 شهور

وهل يعتبر من النجد البيض ؟

وان بغيتوا تفتحون باب المزاد ما عندي مانع !!!

[البرق]

التصوير فاشل
اعد المحاولة مره اخرى دون تدخل العامل(لاتمسكه)ويجب ان تكون الصورة جانبية لكي تبين امتداد ظهر الفحل وجنب الفحل .

[**المهاجر**]

اخوي ابن الريف ... يجب التقيد بشروط العرض في المنتدى لكي لا يتم حذف الموضوع
وبالنسبة للصور فليست واضحه ... يفضل انك تهد الفحل لحاله في حوش ... وتصوره بدون ما احد يضايقه ... عشان نقدر نحكم عليه ... والاخوان ما راااح يقصرون ان شاء الله ...

[ابن الريف]

والله هاذي استطاعتي في التصوير

وفيه صورة مع الطليان الثانية هو أول واحد يمين الصورة يمكن توضح أكثر .

وبالنسبة لشروط المنتدى ما أدري عنها . هل فيه مخالفة ؟؟؟

[**المهاجر**]

هلا بك يالغالي ... يجب ان تضع اسمك الحقيقي ضمن الموضوع لتستوفي الشروط ... اما بالنسبة للفحل فاللي يظهر لي من الصور .. انه ليس نجدي 100% ... اظنه مشروك مع حري ... وراسه وشعره مو الى هناك ... فلا اعتتقد انه فحل جيد الا اذا كنت تريد انتاج لحم فهذا شي اخر ... هذا اللي عندي والله اعلم ... وان شاء الله اخواني الاكثر خبرة بيفيدونك اكثر !!!

[ابن الريف]

شرفني مرورك مشرفنا الغالي .

ورأيك أسعدني لأني جديد على التربية فحبيت استانس براي ونظرة الخبراء وأهل الصنف

اخوكم : مثيب البقمي

[ولد نجد]

بسم الله الرحمن الرحيم

كلام اخونا المهاجر صحيح هذا حري وفيه شعرت نجدي .
وما يصلح فحل لا رفع ولا ظهر ظهره منحدر وايديه قصار حتى للانتاج تصير عياله تتعب وتنشب في الحلق . لكن الدبرة عندي اصفقه في الثلاجه لك ولعييلك بالعافيه .

[بن عريفج]

هذا مهجن بنجدي

[راعي العلياء999]

موفق بإذن الله ... لك مني أجمل تحية .

[الزاااروط]

موفق بإذن الله ... لك مني أجمل تحية .