لغز 23 من راعي الأكحل

[راعي الأكحل]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
هذا في الرياضيات
عندك مبلغ من المال ..................
قسم هذا المبلغ بالتساوي على الموجودين من دون كسر علما انه يبقى ريالا واحدا بعد كل قسمه
والموجودين سبعة اشخاص وعليك ان لا تعطي السابع شيئا
كم المبلغ الموزع

[راعي الريشا]

هذا بنخليه لمعلمة الرياضيات لؤلؤة الاعماق

او للإستاذ الدندون حلال الألغاز المهاجر رجل المهمات الصعبه
اليوم يومك يالمهاجر

انا مأحب الرياضيات

[**المهاجر**]

ههههههههههههه ... لا يا شيخ دخيلك انا حليت السوال اللي قبله
فكني من الرياضيات يرحملي والديك يخوي ... انا ما اطيقها .... انا اقول خل الاجابة عندك

وبعدين عندي استفسار منك ... وش معنا دندون ... معليش ثقافتي ضحله ... ههههه .. ما فهمتها ...

[تمام]

ولا انا احب الرياضيات

[**المهاجر**]

تدري وشلون ... وشرايك نحوله على اللؤلؤة لانها تموت في شي اسمه رباضيات على حد علمي ... ههههههههه

[راعي الريشا]

هههههههه
ضحكتني .. وبراسك نخليه على لؤلؤه
انا قد قريت لها موضوع تقول انها تموت في شيء اسمه رياضيات هههههههههههه

(الدندون الشجاع الشهم اللي يجمع كل الصفات الحميده) اسم تستاهله


..

[**المهاجر**]

ههههههههههههه
حنا بانتضارك يللؤلؤة ... واشكرك على التوضيح يخوي راعي الريشاء ... وشكرا كتييير على زوئك الحلو خيوووو... يلله شدي حيلك يللؤلؤة

[لؤلؤة الاعماق]

49 - 7 =42
المبلغ 49 ويوزع 7-1 =6 على كل شخص ماعدا الاخير
ويبقى 42 وياخذ كل شخص 7 ريالات للاشخاص ال 6
تم التوزيع على 6 اشخاص وبقى من المبلغ 7 ....ستكون معك
والله اعلم
ادري الاجابه غلط...هههههههههههههه

[راعي الريشا]

انا قلت مايجيبها الا رجالها اقصد بناتها

نقول ان شاء الله صح

علشان نفتك من التفكير في الرياضيات لأنها تعور الراس



..

[**المهاجر**]

صدقت يالذيب ... اجل وش رايك نسوي حلف انا وياك
اي لغز في الرياضيات نحوله علطول على اللؤلؤة ...
ولا وش رايك ... انا رايي كذا انسب

[لؤلؤة الاعماق]

يعني صدقتوني...وجالس حضرتك انت والمهاجر تتفلسفون علي...اشربوا رياضيات بأة
ههههههههههههههههههههههههههههههههههه
اقولكم الرياضيات رغم اهميتهااا الا انها عوار راس..وانا بجد اكرههاااا...وعلى فكره الحل اللي انا حطيته مب صحيح....اللغز وراه حركه...بس ما اكتشفتهاااا....شكلي انجسدت منكم ....اه منكم....هههههههههههههههههههههههه

[راعي الريشا]

والله يالمهاجر شكلها بتعود لينا إن ماطلع حلها صحيح
لكن نقول ان شاء الله يطلع صح

عيني عليك بارده يالؤلؤه انا تراني قلت ماشاءالله

بعدين السؤال فيه حركه مثل ماتفضلتي السابع مايأخذ شي
يعني تقسمين على 6 بس

وكل ماقسمتي يأخذ الاول نصيبه ويبقى واحد
واللي بعده يأخذ نصيبه ويمشي ويبقى واحد
وهكذا حتى تصلين للسادس منهم والسابع ماياخذ شيء

مأدري ودنا يتدخل اخونا اللي ورطنا راعي الاكحل ويعلمنا هل الحل صحيح
وإذا ماهو صحيح هل شرحي صحيح او لا...



..

[لؤلؤة الاعماق]

اتصدق...والله طريقتك عجبتني...يمكن تكون الحل...فيهاااا
صراحة انت عجيب.....

[راعي الأكحل]

بسم الله الرحمن الرحيم
السلام عليكم ورحمة الله وبركاته
والله يالؤلؤة انت خطيره جبتيها صح الجواب غلط
شكك ما ركزتي في السؤال ركزي وعلى قولتهم مالها الا بناتها

[تمام]

36 تقسيم 6 = 6

36 تقسيم 7 = 5

الباقي 1

[الأفندي]

والله مادري وش الطبخة...,,!!!


بس على العمووووم هذه محاولة وإن شاء الله تكون صحّ


الرقم هو 42 ننقص منهن 6 بمعدل ريال للستة الموجودين

بعد اسبعاد الشخص السابع

ويطلع الناتج36 من ثم نقسمهن على 6 يطلع الناتج6


42-6=36

36÷6=6


وسلامتكم.

[راعي الأكحل]

والله انا سعيد على اساس ردودكم وتفاعلكم
بس ركزو شوي وشرح اخوي راعي الريشا ميه الميه
هو بسيط بس ركز شويه

[لؤلؤة الاعماق]

والله انك صعب يا راعي الاكحل...يابوك افتر راسي...وعلق...مب راضي يشتغل ابد؟؟؟؟وكله منك ؟؟؟الله يسامحك....بس...

[**المهاجر**]

اوهوه ... الى الحين ما انحل اللغز ... معناته انا لازم انحاش كم يوم بعد من المنتدى .. الين ما يجي ذيب ويحل الجواب ... عشان ما اكلهااااااااا ... ههههههه ..... راعي الاكحل ... سهل لنا شوي الله لا يهينك ... ترى بشتكيك للادارة ... وببلغ تمام عن خططك الشريره تجاهه ... هههههه .. ولا تقول ما قالي المهاجر ... وقد اعذر من انذر .. هههههه

[راعي الأكحل]

ههههههههههههههه
لا خلاص اقولك الحل بروحك
تراه والله سهل
ممكن مافهتوا السؤال
لؤلؤة قولي شفهمت واشرحي لي اللغز ممكن ما قدرت اوصل المعلومه
مع ان اخوي راعي الريشا شرح وشرحه صحيح

[لؤلؤة الاعماق]

سويت طريقة راعي الريشااا...مثل ما فهمت من الشرح...وطلع لي باقي ...يعني الحل ...غلط.....ظنتك ...يمكن فهمت غلط.....؟؟؟؟والله يمكن...لاني من 3 ايام...صايبتني حاله من الغباءءءء...الذي لايطاق....وحاله من السرحان ...لا يطاق..مدري والله وش فيني....شكلي بدأ يدخل حاله الزهايمر.....
ههههههههههههههههههههههههههههه

[راعي الريشا]

عندك مبلغ من المال ..................
قسم هذا المبلغ بالتساوي على الموجودين من دون كسر
علما انه يبقى ريالا واحدا بعد كل قسمه
والموجودين سبعة اشخاص وعليك ان لا تعطي السابع شيئا
كم المبلغ الموزع
==================
الحقيقه اني ماودي اتسرع واحل اي لغز لأني ودي تحاولون
وفي نفس الوقت الرياضيات ليست من المواد المحببه لي
ومادام ماقدرتوا انا بأحله وان شاءالله يطلع حلي صح
المبلغ 7في 7 يساوي 49 مقسوم عليهم بالتساوي
الاول يأخذ 8 ويبقى 1
والثاني يأخذ8 ويبقى 1
والثالث يأخذ 8 ويبقى 1
والرابع يأخذ8 ويبقى 1
والخامس يأخذ 8 ويبقى1
والسادس يأخذ 8 ويبقى 1
والسابع مايبقى له شيء كما هو موضح في السؤال
تحيتي لكم جميعاً

[راعي الأكحل]

طيب اشرحي لي فهمك
على اساس اعرف هو صح ولا لا

[راعي الأكحل]

عندك مبلغ من المال ..................
قسم هذا المبلغ بالتساوي على الموجودين من دون كسر علما انه يبقى ريالا واحدا بعد كل قسمه
والموجودين سبعة اشخاص وعليك ان لا تعطي السابع شيئا
كم المبلغ الموزع
يعني
المبلغ كامل يعطى رقم واحد ويبقى له ريال
المبلغ نفسه يقسم على اثنين ويبقى ريال
المبلغ نفسه يقسم على ثلاثه ويبقى ريال
وهكذا

[راعي الريشا]

جوابك خطأ ياصاحب اللغز

حاول مره ثانيه
اطلع درجه فوق تشوف الحل مشروح بس شكلك مستعجل

[لؤلؤة الاعماق]

اتصدقون عاد.....كان باقي لي شوي مخ...بس انتوا الاثنين...حلولكم...نفسهاااا الغاز.....عاااااااد وش تقولون؟؟؟؟؟احم احم...وحده تبي تفهم؟؟؟؟؟
ههههههههههههههههههه

[**المهاجر**]

اللؤلؤة ... انتي وش لك بعوار الراس ... خليهم يمخمخون الين ما يجاوبون ... وحنا نراقبهم من بعيد ..... ههههههههه ... انا ماخذ اجازة الين ما يجاوبون على اللغز

[لؤلؤة الاعماق]

صجك والله....بس اتعب روحي على الفاضي؟؟؟؟ههههههههههههههههههههههه...بس يا اخوك...مشحتفه على الحل...ابي اعرف...وراعي الريشا مانه بسهل....عجيب يا اخي في تحليله للامور.....طريقة تفكيره تعجبني.....هههههههههههههه...بس اهنيا...بصراحه لف راسي....ههههههههههههههههههههههههه...وش اسوي؟؟؟؟

[راعي الريشا]

لحظه يالؤلؤه
اشرح لك الحل مع اني شرحته لك في البدايه وانتى فهمتي الشرح وجلست انتظرك يوم مأدري يومين ماحليتيه ... والان حليته بالشرح المفصل ولافهمتيه .

طيب الان بأحاول اشرح مره ثانيه ركزي معي انتي والاستاذ المهاجر الدينمو المحرك للمنتدى الله يعطيكم العافيه .................................................. ........................

-

[لؤلؤة الاعماق]

وينك.....بانتظار الطريقه...+....الحل؟؟؟؟؟ههههههههههههههه...بس لازم يكون مقنع

[الأفندي]

وش الطبخة ياعرب؟؟؟!!!


خبرونا وسندلي بدلونا حينها؟؟؟!!!

[راعي الريشا]

المبلغ 49 لو قسمنها على السبعة (7) أشخاص لأخذ كل واحد منهم 7ريال بالتساوي
ولكن السابع مأخذ شي حسب قول السؤال لذلك تتم العمليه على (6) أشخاص فقط
كالتالي:-
لو اعطينا الاول 8 يبقى من المبلغ الكلي 41 نطلع منه 1 يبقى 40
لأن السؤال يقول بعد كل عمليه يبقى واحد طبعا الواحد هذا يعاد للمبلغ المتبقي بعد كل عمليه

المبلغ المتبقي بعد مأخذ الاول نصيبه 40 نرجع له الواحد(1) حتى نقسمه على الخمسه الباقين
يصبح المبلغ 41
والثاني يأخذ8 من 41 يبقى 32 ونطلع الواحد(1)
يصبح المبلغ المتبقي 31 نرجع الواحد(1) يصبح المبلغ الكلي (32)
والثالث يأخذ8 من32 ونطلع (1)
يصبح المبلغ المتبقي 23
نرجع الواحد(1) يصبح المبلغ الكلي (24)
والرابع يأخذ8 من 24 ونطلع (1)
يصبح المبلغ المتبقي 15
نرجع الواحد(1) يصبح المبلغ الكلي (16)
والخامس يأخذ 8 من 16 ونطلع (1)
يصبح المبلغ المتبقي 7
نرجع الواحد(1) يصبح المبلغ الكلي 8
والسادس يأخذ الـ 8 الباقيه
وسلامتكم
إن شاءالله اني قدرت اشرح الله يسامحك يراعي الأكحل

[الأفندي]

عندك مبلغ من المال ..................
قسم هذا المبلغ بالتساوي على الموجودين من دون كسر علما انه يبقى ريالا واحدا بعد كل قسمه
والموجودين سبعة اشخاص وعليك ان لا تعطي السابع شيئا
كم المبلغ الموزع
يعني
المبلغ كامل يعطى رقم واحد ويبقى له ريال
المبلغ نفسه يقسم على اثنين ويبقى ريال
المبلغ نفسه يقسم على ثلاثه ويبقى ريال
وهكذا


كلام جميل وتحليل طيب أخوي راعي الريشا

بس أخونا راعي الأكحل أعتقد طريقته شوي مختلفة..,,!!


مادري وش الطبخة ياعرب؟؟!!

افترن مخوخنا..,,!!

ترا ماباقي غير فيوز واحد..,,!!

الله يستر:S14:

[راعي الريشا]

هههههههههههههه
هلا بك ابوناصر
يارجال راعي الأكحل حط لغز من اسبوع تقريبا وأنا عرفت الطريقه لكن تركته للشباب
قلت هم يحلونه مالي ومال عوار الراس . وفي الاخير صرت انا اللي اشرح

ياليت تحاول فيه وتشوف هل طريقتي صحيحه والا لا السؤال امامك وشارك
ننتظر يابوناصر

[لؤلؤة الاعماق]

انا سويتهااا ...بس على سبعه...ونقصت واحد..فالعدد 6...وفي النهايه....طلع باقي....بس انت سويتهاااا على 8...عشان جذيه...طلع الحل معك صح....بصراحه...اهنيك يا راعي الريشااااا....يا عبقري....صج والله ما خطر على بالي اني اسويهااا على 8....كان العدد 7 و 6...اهماااا اللي مسيطرين على مخيخي التعبان....ههههههههههههههههههه...تهانيناااا الحاره لك يا اخو الوفااااا....وهذي هديه لزوجتك...عشان تسويهاااا لك...تراه مره خطير...صدقني!!!....
مجبوس لحم
http://tbn0.google.com/images?q=tbn:R8Bkx8aF5loC2M:http://www.hawahome.info/uploaded/275/1158662450.jpg (http://www.hawahome.info/uploaded/275/1158662450.jpg)
هذا مجبوس لحم بس طريقته عجيبه شفتوا اللون ... نبدأ
اول شي تغسلين اللحم وتحطينه في مشخاله حتى اذا فيه ماي ينزل ما يقعد
ترشين عليه ملح وتفركينه بالبزار وتكونين داقه في الهاون 3 ثوم مع جنزبيل فرش قطعه
مع 3 فلفل علوب حطي شوية ملح معاهم وفركي به اللحم وخلينه المده اللي تعجبج
يعني انا خليته ساعه يعني غسلت اللحم الساعه تسع ونص وتبلته وبديت طبخ 11
في الجدر زيت شوي كثير كثير بالمعقول = يعني انا اللحم تويس صغير بس مشحم
4 بصلات مقطعات مكعبات في الزيت ولازم الزيت يكون حاااامي يعني تحطين البصل
تسمعينه يطرطش وتحمسينه يمين يسار وتكونين مجهزه ثوم مع جنزبيل مدقوق بعد
ايه لا ما يطلع واجد على مسؤليتي ... والحين تحطين دارسين ( قرفه ) عودين
مسمار حب فلفل اسود حب .... تبغين هيل كييفج وتخلطين لين البصل يلين وياخذ لون
شوي بني تظيفين البزار 2م م (ملعقه متوسطه )فلفل اسود رشه كمون مطحون بزار
المجبوس اذا عندج ..حركي شوي واتحطين الحين الصلصل 2-3 ملاعق حسب رغبتج في
اللون ( اذا زدتي صار اشوي احمر واذا قلالتي صار معاج بني )) وتحطين قفشة كركم
صغيره .. وتحمسين لين الصلصل تاخذ لون حلو تذوب يعني وتحطين الحين اللحم اللي
عندج
( ممكن دجاج ممكن سمك شي غير مم حسب ما تحبين )
وتحمسينه مع الخلطه وتخلينه لين شوي ينشف مايه
وتخلين اللحم يتحمر ..... الحين اتحطين 3 او 4 طماطمات انا احب اقشر الطماط
تقطعين كل طماطه4 قطع وتحطينها 4 لومي اسود علوب فلفل بس ما تقطعين الراس
علشان ما ينفتح ويحرق .حطي الملح وذا بغيتي ماجي كييفج. قلبي شوي وسكري الجدر
بالقصدير زين ما زين
وطي على الجدر وخلي تحته السكاره ( الحديده ) يعني وخليه ساعه تقريبا على نار
هاديه بعد الساعه افتحيه ( احيانا ما ياخذ ساعه اذا كنت للحمه صغيره )) تكشفين
القصدير وتكونين مجهزه مااي مغلي وتصبين عليه وتخلينه يغلي يمكن بس اقل من
النص ساعه انتي شوفي اللحم بسكين اذا صار لين خلاص شوفي واذا ما صار ازيده ماي
مغلي ليما يستوي اللحم ارفعيه من الجدر وشلي من المروق ( اذا كان اكثر من العيش بواجد)
انا اذا شليت من المروق اخليها جنب العيش في مله يرشون منها على العيش حطي
العيش الحين وخلي الماي فوقه بمقدار زين اول غلا شوي حطي اللحم على العيش وحطي شوية عيش على اللحم وحطي بقدونس وكزبره شوووفي
سكريه بالقصدير ولا تخلين له منسم وخليه على السكاره ونار هاديه لين يستوي
سكري عنه
جهزي روب شطه سلطه وانشبيه وقدميه وفيها العافيييه
مع تحياتي العطره

[الأفندي]

ماقصرت يابوعبدالله..,,

بس قلت لك ياخوي مابقالي غير فيوز واحد..,,!!!

وبصراحة أبغي أحتفظ به...هههههههه..,,


وبنك ياراعي الأكحل ريحنا الله يرحم والديك.






:S21:

[راعي الريشا]

شكرا لك لؤلؤة الاعماق على الإطراء الجميل وهذا يدل على سجيتك الطيبه وحسن خلقك
بارك الله فيك واشكرك على الطبخه وإن شاءالله تكون على السفره في خلال الخميس والجمعه
ولازلنا نتذكر المقلوبه واعتقد ماعاد فيه رجيم من اليوم وصاعد



العزيز ابوناصر

انا ماعاد باقي عندي فيوزات كلها احترقت من كثر مأفكر في حل الالغاز
انت على الاقل باقي معك واحد حاول تحتفظ به وتكفى خلك معنا لاتروح بعيد
ساعدنا على الغاز الشباب وخصوصا راعي الأكحل الغازه رياضيات وانا والله ماحبها كثير

[راعي الأكحل]

والله انكم حستوا الدنيا
موضوعنا لغز
وذي قالبتها مطبخ الشيف فوزي مال المجد
اقول الحل غلط في غلط
والي عنده فيوز باقي راح نحرقه له
والي خلص فيوزه يروح يركب
والي ماراح يركب اكيد راح يحل اللغز
والمجبوس لذيذ الله يعطيكم العافيه
راجعوا الشرح
الجواب بسيط بس انتم مصعبينها

[الأفندي]

ههههههههههه

شكلكم قلبتوها طبخ بجدّ..,,!!!

على العموم ماقصرتي يالؤلؤة الأعماق وفيه الهنا إن شاء الله.


والله ياخوي بوعبدالله ولاتهون يعني أنا اللي أحب الرياضيات

الله يسامح اللّي كان السبب..,,!!

(مدرس الرياضيات في الإعدادية)اللي كرهّنا المادة..!!

على العموم فيوزاتي روّحن ماغير واحد باقي

وبحتفظ به للحاجة هههههه .

[**المهاجر**]

جزاك الله خير يللؤلؤة على الطبخة ... ايه هذا الشغل الصح .. خلينا من الرياضيات وعوا الراس ... تخبرين عزوبية ... وطريقة طبخاتك هذي تفيدنا ... نبي ناااااكل اول ... ثمين نحل الالغااااز ... ولا وش رايك يا راعي الاكحل ... هههههههه

[راعي الأكحل]

اكيد خوي المهاجر انا معك على طول الطريق
بس حل اللغز
بسيط

[راعي الريشا]

اذا فيه عندك حل غير اللي انا قلته هاته خلنا نشوف
اما انا ماعندي له حل غير اللي ذكرته
واشوف انه هو الحل الانسب والصحيح للغزك

..

[راعي الأكحل]

ياخوي بارك الله فيك حلك صحيح بالنسبه لفهمك
بس بالنسبه لي اعتقد انك مافهمت مقصودي وانا راح اعيد الشرح بطريقه ثانيه

[لؤلؤة الاعماق]

عندك مبلغ من المال ..................
قسم هذا المبلغ بالتساوي على الموجودين =وهم 7 اشخاص + انت = 8 اشخاص
من دون كسر علما انه يبقى ريالا واحدا بعد كل قسمه =..يعني القسمه تكون ل 7 اشخاص فقط....6 + انت ....والشخص السابع ..ما ياخذ شي..=7
والموجودين سبعة اشخاص وعليك ان لا تعطي السابع شيئا
كم المبلغ الموزع=...49
ولا اشلون يا اخوي راعي الاكحل....؟؟؟؟؟
انفر مخي ..برغم انه بسيط...
او بيكون
ال 7 اشخاص هم احنااا جميع = 7
ولنقل اني بوزع المبلغ على الجميع ما عداي
فبيكون 6 اشخاص....× 6 = 42 ÷6 = 6 ..فكل شخص بياخذ 6 من المبلغ...وانا باخذ 0 من المبلغ....ممكن يكون جذيه؟؟؟؟؟
اوووووووووووووووووووووووووه ...مليت ...وطفرت.....ولف مخي بالحيل الحيل....

[راعي الأكحل]

اصلحكم الله
عندي مبلغ ..............
وعندي سبعة اشخاص ( العدد سبعه انا لا ادخل معهم )
اعطي جميع المال واحد ويبقى ريال فقط
ولو
قسمت جميع المال على اثنين يبقى ريال فقط
ولو قسمت جميع المال على ثلاثه (يقبل القسمه من دون كسر) ويبقى ريال واحد فقط
ولو قسمت ..................... ويبقى ريال فقط
ولو قسمت....................ويبقى ريال فقط
ولو قسمت جميع المال على سته يبقى ريال فقط
ولو قسمت المال على السبعه لم يقبل القسمه الا بكسر
وهكذا
لعلي قربت لكم السؤال

[راعي الأكحل]

بسم الله الرحمن الرحيم
السلام عليكم ورحمة الله وبركاته
اشوفكم وقفتوا
الجواب :
301
طريقة الحل
301 اعط الواحد 300 ويبقى 1
301 ÷2=150 ويبقى 1
301÷3=100 ويبقى 1
301÷4=75 ويبقى 1
301÷5=60 ويبقى 1
301÷6=50 ويبقى 1
301÷7=لا يقبل القسمة الا بكسر
هذا بالنسبة للجواب وشكرا

[**المهاجر**]

ههههههههههه
والله اشوى اني ما شاركت وتفلسفت ... لاني ما فيه امل اعرف الجواب
بس الله يهديك .. المره الثانيه سهل السوال شوي .. عشان نعرف نشارك !!!

[راعي الأكحل]

ههههههههههههههه
الجواب بسيط
بس ما فكرتوا بجديه
الوعد 24

[لؤلؤة الاعماق]

هههههههههههههههههههههههههههههههههههه
وتنتظرنااااا نحله...بعد؟؟؟؟
مثل ما قال اخوي المهاجر....بالطول في الانتظارررررر
ههههههههههههههههههههههههههههه

[راعي الريشا]

بسم الله الرحمن الرحيم
السلام عليكم ورحمة الله وبركاته
اشوفكم وقفتوا
الجواب :
301
طريقة الحل
301 اعط الواحد 300 ويبقى 1
301 ÷2=150 ويبقى 1
301÷3=100 ويبقى 1
301÷4=75 ويبقى 1
301÷5=60 ويبقى 1
301÷6=50 ويبقى 1
301÷7=لا يقبل القسمة الا بكسر
هذا بالنسبة للجواب وشكرا


كنت اتوقع ان الحل بيكون اكثر دقه مما ذكرت اعلاه
فعندما تعطي واحد من الأشخاص نصيبه يجب ان تخصمه من الرقم الكلي
وتوزع الباقي على كل واحد من الخمسه المتبقين.. وهكذا حتى يتبقى في النهايه واحد فقط
اما بحلك اعلاه فأنت لم تراعي خصم نصيب كل من اخذ نصيبه
اشوف ان حلنا السابق اكثر دقه من هذا الحل

شكرا لك وفي انتظار جديدك

..

[الأفندي]

بالفعل كان هناك لبس بعض الشيء في طريقة الشرح..,,!!

يالله راحت علينا..,,خيرها بغيرها إن شاء الله..,,!!:lo:lo:lo

[أبو نواف]

السلام عليكم ورحمة الله وبركاته
انا عندي حل اخر وان شاء الله صحيح وهو 121
121 اعط الواحد120 ويبقى 1
121÷2=60 ويبقى 1
121÷3=40 ويبقى1
121÷4=30 ويبقى1
121÷5=24 ويبقى1
121÷6=20 ويبقى1
121 لاا يقبل القسمة على7 الا بكسر
وشكرا

[راعي الريشا]

ابونواف
حياك الله معنا ونشكرك على الحل
وكما طلع معك بحل آخر فأكيد له اكثر من حل

ولكن مستحيل المبلغ يبقى كماهو في كل مره يؤخذ منه جزء
مفروض انه كل مأخذ واحد نصيبه ينقص من المبلغ الاساسي
حتى يكون السؤال صحيح رياضياً

ولو جمعنا نصيب الاول والثاني والثالث والرابع والخامس والسادس
ستجد ان المبلغ اكبر من المبلغ الكلي اللي هو 121 كما طلع معك
او 301 كما طلع مع راعي الأكحل

فمثلا لو كان عندك عشره ريال وأعطيت زيد منها ريال
فلو اردت ان تعطي عمر منها ريال ستجدها ليست عشره كما كانت
سترى انها اصبحت 9 ريال ولو اعطيت عمر الريال ستنقص وتصبح 8

السؤال يجب ان يكون عقلاني ومحكم من جميع النواحي

هذا مأردت ان اشرحه

[أبو نواف]

ولكن مستحيل المبلغ يبقى كماهو في كل مره يؤخذ منه جزء
مفروض انه كل مأخذ واحد نصيبه ينقص من المبلغ الاساسي
حتى يكون السؤال صحيح رياضياً

ولو جمعنا نصيب الاول والثاني والثالث والرابع والخامس والسادس
ستجد ان المبلغ اكبر من المبلغ الكلي اللي هو 121 كما طلع معك
او 301 كما طلع مع راعي الأكحل

فمثلا لو كان عندك عشره ريال وأعطيت زيد منها ريال
فلو اردت ان تعطي عمر منها ريال ستجدها ليست عشره كما كانت
سترى انها اصبحت 9 ريال ولو اعطيت عمر الريال ستنقص وتصبح 8

السؤال يجب ان يكون عقلاني ومحكم من جميع النواحي

هذا مأردت ان اشرحه

اخوي راعي الريشا
أنا فالبداية فهمته مثل ما فهمته انت
ولكن بعد شرح أخونا راعي الأكحل توصلت للحل المذكور واللي أكد طريقة حلي هو حل أخونا راعي الأكحل