لغز سالم ...!!!من يحله؟؟؟

[لؤلؤة الاعماق]

هذا اصعب لغز ممكن تحلونه....جابه اليوم سالم ولد اخوي...وقالي ...عمتي عمتي...اذا حليت اللغز هذا بعطيك حلاوة....عاد انا فكرت...فيكم..
تساعدوني على حله...؟؟؟؟؟
...عشان اخذ الحلاوة...
هههههههههههههههههههههههههههههه
...وهذا هو اللغز يقول....
شي ناكله ونمشي بالمقلوب...........؟؟ وشو؟؟؟؟

[**المهاجر**]

انا ممكن اساعدك يللؤلؤة ... بس بشرط انك تقاسميني في الحلاوة ... ولا اعذريني .. الله يحفظ ولد اخوك ويخليه لكم ...

بانتضاااار ردك

[راعي الريشا]

يعني حنا نحل اللغز وانت تأكلين الحلاوه

وش استفدنا بالله يالؤلؤة الأعماق

الله يحفظ سالم مأصعب الغازه



.

[لؤلؤة الاعماق]

انا ممكن اساعدك يللؤلؤة ... بس بشرط انك تقاسميني في الحلاوة ... ولا اعذريني .. الله يحفظ ولد اخوك ويخليه لكم ...

بانتضاااار ردك
هههههههههههههههههههههههههه
وانت مشاركني في كل شي....اوفين عليك..شو هذاااا...خليك كريم هالمره...وخل الحلاوة لي...هاي من سلومي الغالي...عااااد
هههههههههههههههههههههههههه
بعدين تعال اللحين...وين الغازك ومسلسلاتك اللغزيه...هااا...ممكن تقول لي وين راحن...ولا خلصت؟؟؟؟يعني؟؟؟؟

[لؤلؤة الاعماق]

يعني حنا نحل اللغز وانت تأكلين الحلاوه

وش استفدنا بالله يالؤلؤة الأعماق

الله يحفظ سالم مأصعب الغازه



.
هههههههههههههههههههههه...طبعااا....لاني اختكم ...ولازم تساعدوني...من غير بزنس از بزنس....(Business is Business )...ولا وين الاخوه يعني؟؟؟؟؟؟ههههههههههههههههههههههههههه...صارت خبر كان؟؟؟؟؟ترى اللغز مره سهل...حاول تفكر بطريقة الاطفال؟؟؟؟؟وليس بطريقة الشواب؟؟؟؟خخخخخخخخخخخخخخخخخخخ

[راعي الريشا]

صحيح انتي اختنا ولازم نساعدك
يالله معليش هالمره
بس تراها الاخيره
المره الثانيه الحلاوه لي انا والمهاجر

اذا كان لازم نفكر بمستوى صاحب السؤال سلومي الله يخليه لعينٍ ترجيه

فإن اي شيء ممكن يؤكل والشخص يمشي بالمقلوب

مثلاً يدق الواحد ريوس ويأكل حلاوه او بسكوت

ويكون اكل وهو ماشي بالمقلوب


تم تغيير اسلوب الحل الاول . لضني انني غلطت في الاسلوب الأول
وأستميح اختي الفاضله عدراً. وعسى ان يكون الحل صحيح

[لؤلؤة الاعماق]

ههههههههههههههههههههههه....عجبتني مره الاجابه يا راعي الريشا...بس لا...ولا لك لوا......طلعت شي صح ناكله...واسمه على مسماة...يناسب اللغز...ههههههههههههههههههههههههه...فكر شوي....الا المهاجر وينه وراعي الاكحل...شاردين...عن حل اللغز؟؟؟؟؟

[راعي الريشا]

فيه اكله اسمها المقلوبه

لاتكون هي

[لؤلؤة الاعماق]

بسك ...وصلت...ههههههههههههههههههههههه...نعم هي المقلوبه ....والاجابه صحيحه ...الف الف مبروووووووووووووووووك 100%....وللامام...دومااا وابداااا يارب...بس عااااد لا تكثر منها لانهاااا لذيذه مرة....شكل سلوم من كثر ما يحبهااا سوى اللغز هههههههههههههههههههههههه

[راعي الريشا]

ياحليل الصغار
الله يحفظه

طيب مادام جا طاري الاكل والمقلوبه
أم فهودي تقول خل لؤلؤوه تشرح لنا كيف طريقة طبخها بالطريقه الأماراتي
لابد يكون فيه اختلاف في مكوناتها

..

[**المهاجر**]

ما شاء الله عليك يخوي حليت اللغز ... انا فكرت انحاااااش للابد .. لاني ما قدرت احله ...
بس ان شاء الله لنا لقاء يللؤلؤة في المسابقة حقتي ... انا ما راح اخليك تنحاشين بس
انا راااح اوريك نجوم الظهر .. واخليك تمنين النوم ولا تقدرين ... راااح تفحطين عشان الاجااابات ... بس اصبري على شوي ... ههههههه
موفقين بإذن الله ... لكم مني أجمل تحية .
تحياتي للجميع

[لؤلؤة الاعماق]

ما طلبت ام فهودي الغاليه....من عيوني الثنتين...انا بصراحه اسويهااا بكذا طريقه...يا الله اتفضل ..بس عاااد بدون صور...اوكيه...
مقلوبة لؤلؤة الخاصه
وهي عباره عن كوكتيل...بس صدقوني حلو..وهو مفضل عندي في البيت
المقادير

حبه كبيره منالبذنجان
حبه بطاطه كبيره
زهره او قرنبيط صغيره
بصلتان كبيرتان
حبة طماطم
دجاجه مسحبه
مكعبان ماجي
ملح حسب الرغبه
كوبان رز
ثلاث أكواب ماء وربع
بهارات مشكله ملعقةأكل الكبيره
ملح وفلفل أسود حسب الرغبه
زيت للقلي
صنوبر


الطريقة

نقطع الباذنجان دوائرونقليها ونضعها على حدى
نقطع البطاطا مكعبات ونقليها ونضعها على حدى
نقطع البصل جوانح ونقليها ونضعها على حدى
نقطع الزهره ونقليها ونضعها على حدى
ونقليها الدجاج حتى يحمر ونضعها على حدى
نقطع الطماطم
نغسل ارز وننقعه 10دقائق الى 20 دقيقه ونضع القليل من الملح لعدم تكسير حبات الرز
نذوب الماجي بربع كوبالماء مع البهارات والملح والفلفل
نحضر طنجرة ونضعملعقة أكل رز في القاع ثم نضع الخضراوات المقلية والدجاج ثم نضع الرز من ثم ثلاثأكواب ماء وساء الماجي والبهارات ثم نضع الطماطم الني على الوجه
ونجعلها تغلي على نار عالية بعد الغلي ب5دقائق نغطي القدر حتىيستوي الرز أي لربع إلى ثلث ساعة تقريبا وبالهناء والصحة .
ومقلوبة الزهره ..نفس الطريقه ولكن استبدل الطماطم والبطاطس والباذنجان بالزهره وراس ثوم (افصل حبات الثوم عن بعضهااا..ولكن اخليهم بقشرهم وانثرهااافي القدر من تحت مع الزهره المقليه والدجاج)
ومقلوبة الباذنجان اسويها بس با اللحم...(واللحم يسلق جيدااامع البهارات السبع والهيل والقرفه والقرنفل ) واستعمل فيها الرز المزه فقط...اما الثانيات استعمل المزه او الباسمتى....(((اذواق))) هههههههههههههه...وان شاء الله تعجبكم ...على فكره...ترى احيانا اسويها بالفول الاخضر وتطلع طيبه ...عجبتهم عندي في البيت....وتقدم مع سلطات اللبن والزبادي

[راعي الريشا]

جزاك الله خير نيابه عنها

واستلمت قائمة الطلبات

معناها بكره الغداء مقلوبه

الله يهديك ياسلومي مشورتنا لسوق الخضره


شكرا لؤلؤوه على الشرح الوافي

الله يوفقك

[**المهاجر**]

كفيتي ووفيتي يا شيف المنتدى ,,, بس ممكن اسرق الطريقة ولو اني ما حليت اللغز ...
لان احب المقلوبة كثير ... وانا اسيها بطريقة العزوبيه ... طبعا لا احد يسالني وشلون ... يعني كل شي فوق بعض ... وانا استغرب في الاخير ... تصير مهرووووسة .. مو مقلوبه
الله يعطيك الف عافية يللؤلؤة على الطريقة الحلوة ... وبانتضار الغاز سالم الجديدة ... على الاقل عشان نحصل طريقة طبخ جديدة ... ههههههه

[راعي الريشا]

اخي المهاجر
حل اللغز ماكان الا بالصدفه
ماهو من كثر النباهه اللي عند اخوك

العزوبيه وما أدراك مالعزوبيه
جربناها قبل وما نقول الله الا يعينك
ويرزقك ببنت الحلال اللي تتفنن في الطبخ وتسعدك

قول امين
وشد حيلك
خل العوانس في بلدنا ينقصون وحده

[**المهاجر**]

اخي المهاجر
حل اللغز ماكان الا بالصدفه
ماهو من كثر النباهه اللي عند اخوك

العزوبيه وما أدراك مالعزوبيه
جربناها قبل وما نقول الله الا يعينك
ويرزقك ببنت الحلال اللي تتفنن في الطبخ وتسعدك

قول امين
وشد حيلك
خل العوانس في بلدنا ينقصون وحده

ما يجب الحل الا اهله ... انت يا راعي الريشاء لازم تحل اي لغز ... لانك المسوؤل عن ها الاقسام في المنتدى ... وهذا يدل على ثقافتك ... ما شاء الله تبارك الله ... تستاهل كل خير يخوي ...

واشكرك على دعواتك الرائعة الصادرة من القلب ... ومشروع الزوااااااج قريب جدا باذن الله ... لكن جاااري البحث في الوقت الحالي ههههه .. وان شاء الله اول ما اتخرج اني ابعرس ... واتشرف بان تكون اول المعزومين باذن الله
والله يجزا

[لؤلؤة الاعماق]

احم احم...واحناااا...مش معزومين....بس بستوي احسن منك...بعلم العروس الطبخ...هههههههههههههههههههههههههههه...وبخليها احسن شف....زوج بنت خالتي مسمني امبراطوره الطبخ....مدري من وين جاب الاسم....وعلى فكره فعلا كثيرين من اللي ذاقوا اكلي يمدحونه...وتعرفون وش السبب...رغم اني اطبخ عادي مثل غيري....السبب اني طول ما انا اطبخ...اقعد اسبح واقرا قران واستغفر....وكأنه حلاوة الطبخ تيجي من كثرة التسبيح...صدقوني يا اخواني...وقسما عظما با الله محد ذاق اكلي الا اعجبه ومدح فيه...ومش القصد اني اتفاخر او شي...ولكن التسبيح له الاثر الكبير في حياتنا اليوميه ....تحياتي

[راعي الأكحل]

بسم الله الرحمن الرحيم
السلام عليكم ورحمة الله وبركاته
اقول صرنا في برنامج اطايب والله انا الحين جوعان وماتغديت وقرات الطبخ شكلي رحت فيها
اخوي المهاجر دز لي شوي من طبخك على البريد وكثر الفلفل
وبالنسبة للغز جاء على بالى الحل بس تباعدته
وقلت افكر وانا مريت عليه اكثر من مره
وسالم هذا شكله منافس قوي
ههههههههههه تقبلوا مروري

[**المهاجر**]

وانا اقدر يللؤلؤة ... الله يهديك بس .. بس الاصول ان المدام هي اللي راح تعزمك ... بس انتي خليها تجي ... وبقولها انها تحطك اول وحده في اللسته ... وجزاك الله الف خير علىاضافتك الرائعة .. حقت التسبيح وقرائة القران ...

على فكرة اول ما قريت كلامك يوم تقولين اسبح واقراء قران ... استغربت لاننا بعض المرات نقول للتروش (سباااحة ) فقلت كيف تتروش وهي تطبخ ... ههههههه
عشان كذا ما حليت اللغز ... هههه ... لان عقلي كبير ... هههههه

[**المهاجر**]

بسم الله الرحمن الرحيم
السلام عليكم ورحمة الله وبركاته
اقول صرنا في برنامج اطايب والله انا الحين جوعان وماتغديت وقرات الطبخ شكلي رحت فيها
اخوي المهاجر دز لي شوي من طبخك على البريد وكثر الفلفل
وبالنسبة للغز جاء على بالى الحل بس تباعدته
وقلت افكر وانا مريت عليه اكثر من مره
وسالم هذا شكله منافس قوي
ههههههههههه تقبلوا مروري

هلا بك يا راعي الاكحل ... هاه بشر وصلتك المقلوبة ولالا ... بس لا تشيل هم اذا صار شكلها تقل جريش ... النية انها مقلوبة ... ههههه ... بس اخاف يعيون الانقليز ... بيقولوون وش ذا اللي مسويه ... هههههه ... ابشر بها يالغالي ...

[لؤلؤة الاعماق]

هههههههههههههههههههههههههههههههههههههههههههههههههه ههههههههه
الصراحه موتني من الضحك ومب عارفه كيف ارد عليك....
هههههههههههههههههههههههههههههههههههههههههههههههههه ههههههه
بس بصراحه عرفت كيف تهرب...بحجة العروس
ههههههههههههههههههههههههههههههههههههههههههههههههه
الله يارب يبعث لك المراه الطيبه الصالحه الخلوق....ويسعدك بها ربي دنيا واخره ....يارب
وانت يا راعي الاكحل...اشوف استويت مثل المهاجر اول واحد يهرب من المعركه...ههههههههههههههههههههههههههههه....ومنافسك سلوم تراه بعده صغير مره....الجمله تطلع منه بالقوة...وماسكلي كلمة حقتي وحقت ليلى..(ليلى اخته) عمرها 5 شهور....ههههههههههههههههههههههههه...بحط صورتهم قريبااااا عشان تشوفونه....تحياتي

[راعي الأكحل]

بسم الله الرحمن الرحيم
السلام عليكم ورحمة الله وبركاته
ننتظر صورهم بفارغ الصبر لا تتأخرين علينا بها

[لؤلؤة الاعماق]

هذا سالم...وفي حضنه ليلى


http://file7.9q9q.net/local/thumbnail/79276394/600x600.jpg

[**المهاجر**]

ما شاء الله تبارك الله
الله يحفظهم ويخليهم لكم ... ما شاء الله مملوحين .. ويشبهون لبعض
الله يعطيك العافية يللؤلؤة .. واسالي سالم بيدخل معنا في المسابقة ولالا

[تمام]

الله يصلحهم

انت تبي تسجلهم بالمسابقه ولا بالمدرسه قصدك
ههههههه

[**المهاجر**]

لا يخوي تمام ... انا قصدي في المسااااابقة ... لان وااااضح ان الولد طالع على عمته ... يحب الالغاز ما شاء الله عليه

[لؤلؤة الاعماق]

تسلمون والله والله يخليكم ويبقيكم ...يارب....الصراحه انا وريته المنتدى...واعجب بالغنم...والماعز...وصار يسمى العنزه ...عزنه....ويقولي العزنه هاذي حقتي...بمعنى انه يريدها ....وهذي حقة ليلى......هههههههههههههههههههه....وسالته عن لغز عشان يشارك...قال...بيفكر في لغز....هههههههههههههههههههههههه.....طبعااا هو يحاول يقلد ابوه...باسلوبه...ههههههههههههههههههه....تحياتي لكم يا اخوة الوفاااااا

[راعي الأكحل]

ما شاء الله تبارك الله والله حلو والبنت احلى مزاين
اقرا الرد ثم اطلع اشوف الصورة طيب تسمحين نحتفظ بالصورة اذا كان نعم نريد صور له اوضح من كذا ليلى الله يحفظها مغطيه عليه

[**المهاجر**]

يستاهل سالم ... اذا عطانا لغز وقدر يتحدى الاعضاء فيه ...فيبشر باللي يبي ... نعزة ولا تيس ... ومن حلالي بعد ... يامر امر ... بس التوصيل عليه

[لؤلؤة الاعماق]

هههههههههههههههههه...تسلمون والله يا اخواني الطيبين...وفالك الخير يا اخوي راعي الاكحل....بنزل له صوره بروحه ...بس اصوره هاليومين....وعزة الله انك ما تقصر يا اخوي المهاجر...على العزنه او التيس واعتبرهم وصلوا....وبخلي سلومي ...يمخمخلك في لغز جديد...عااااااد....ما ندري وش هالتمخميخ يجيب....ههههههههههههههههههههه...على كيفك عاااد...ههههههههههههههههههههههه

[راعي الأكحل]

السلام عليكم ورحمة الله وبركاته
الله يذكرك بالخير ياسالم ذكرتك وانا مسافر وجربت اكلت من لغزك قصد حل لغزك المقلوبة لكن المطعم ماضبطها بالحيل (مطعم الطازج) الرز فيه ماعجبني رزهم في المقلوبة مختلف لكن في الكبسه شي وعلى العموم ماراح تكون مثل طبخ البيت ولا طبخ العزوبية لاني جربت وسويتها طبعا عزوبي وظبطت معي الكل يمدح فيها اكيد جيعانين هههههههههههه

[لؤلؤة الاعماق]

هههههههههههههههههههههههههههههه
مليون الحمد على السلامه...ورجعتك السالمه لناااا....واكيد طبخ البيت احلى بمليون مره من المطاعم....على الاقل...تعرف شو مستعمل ...من مواعين لين طعااااام....ههههههههههههههههه

[راعي الأكحل]

الله يسلمك ويعافيك
المضطر ياكل من المطعم ولا يموت جوع
طيب الحين راح خمس ايام والصوره وين حقت سلومي

[لؤلؤة الاعماق]

ههههههههههههههههههههههههه
بكره بروح لهم ...بتغدى عندهم مقلوبه
وبسويلهم ...مندي لحم ..باخذه معاي
ههههههههههههههههههههههههههه
وبصورلك الاثنين
ههههههههههههههههههههههههههههه

[**المهاجر**]

ولا تنسين تصورين المقلوبة بعد .. لي فترة ما شفتها ... الغربة صعبه !!!
وكلما سويتها طلعت هريس .... نفسي في مقلوبة مرتبة
بانتضار الصور ...