قصيدة ابو دباس

[راعي الأكحل]

من روائع القصيد // قصيدة أبودباس بأبنه إدباس

--------------------------------------------------------------------------------


السلام عليكم ورحمة الله وبركاته
هذه قصيدة //محمد ابو دباس بأبنه إدباس // وٌذا فيه تقصير أرجو منكم السموحه ،،،،،




يــا ونّــةٍ ونّيتـهـا مــن خـــوا الـــراس
مـــن لاهـــبٍ بالـكـبـد مـثــل السـعـيـره
ونيـن مـن رجلـه غــدت تـقـل مـقـواس
ويــون تـالـي اللـيـل يـشـكـي الجـبـيـره
ويـامــل قـلــبٍ مـثــل بـــنٍّ بـمـحـمـاس
ويــا هـشـم حـالـي هشـمـهـا بالنـقـيـره
ويــا وجــد حـالـي يـامـلا وجـدغــراس
يـوم أثمـرت وأشفـا صـفـا عـنـه بـيـره
مــن ثـمـر قلـبـي ســرى هجعـةالـنـاس
مـتـنـحـرٍ درب عــســى فــيــه خــيـــره
الله يـفـكــه مــــن بــــلا سـوالأتــعــاس
ومــن شــر عـبـثـات اللـيـالـي يـجـيـره
فـــي ديـــرة تـقـطّـعـت عـنـهـالأرمـاس
سـبـعـيـن يــــومٍ لـلـركـايــب مـســيــره
لا والله الا حـــال مـــن دونـــه الـيــاس
حـــط الـبـحـر والــبــر دون الـجـزيــره
يـا الله يـا اللـي رد مـن عـقـب مـايـاس
يوسـف علـى يعـقـوب وابـصـر نظـيـره
تـرد علـي دبـاس يــا محـصـي الـنـاس
يـــا عـالــم مــــا بـالـخـفـا والـسـريــره
يا دباس أنا بأوصيك عن درب الأدناس
تـــرى الـــذي مـثـلـك يـنـاظـر مـسـيـره
علـيـك بالتـقـوى تــرى الـعـز يـادبـاس
فــي طـاعـة الـلـي مــا ينجـيـك غـيــره
هـذي ثمـان سنيـن مـن رحـت يادبـاس
لا رسـالــةٍ جـتـنــي ولا مــــن بــريــره
يا دباس من عقبك ترى البـال محتـاس
وعلـيـك دمــع الـعـيـن حـــرَّق نـظـيـره
وعليـك كنـي فــي دجــا اللـيـل حــرّاس
أصـبـح عـلـى حيـلـي وعيـنـي سهـيـره
أصبـح أنـا مـا بيـن طــاري وهـوجـاس
وطــــواريٍ تــطــري عـلـيـنـا كـثــيــره
مثـل الوحـش قلبـي علـى كـف حـبّـاس
يـكـفـخ كـمــا طـيــرٍ سـبـوقـه قـصـيـره
متحـيـرٍ مــن عـيـلـة الـبـيـت يـادبــاس
أرجــي ثـــواب الله وأخـشــى المـعـيـره
أخـاف مـن حكـي الـعـدا ثــم الأنـجـاس
أهـــل الحـكـايـا الـطـايـلـه والـقـصـيـره
ويـقــال خـــلا عيـلـتـه عـنــزا لــــرأس
أقـفــى وخــــلا عـيـلــةٍ لــــه صـغـيــره
والا فـأنــا يـابــوك قـطــاع الأرمــــاس
مــا نـيـب مـثـبـورٍ أو رجـلــي كـسـيـره
آصـلـك لــو دونــك نـبـا حمرالأطـعـاس
الصـلـب والصـمّـان مــا هــي عـسـيـره
مـهـالــكٍ مـــــداركٍ مـــــا بـهــاأونــاس
الا الـثـعـل والـبــوم تـسـمــع صـفـيــره
لأركب على وجنٍ مـن الهجـن عرمـاس
فــجّ النـحـر يــا دبــاس حـمـرا ظهـيـره
مـتـروسـة الفـخـذيـن مـزبـوعـةالـرأس
كــن الـخـلاص عيـونـهـا يـــوم اديـــره
أو شــبــه ربــــدا تـخـفــق لــلأونـــاس
وان رفــعـــت جـنـحـانـهــا مــســذيــره
تنشـر مـن العـوده علـى نـور الأنـفـاس
عـنـد الـفـجـر والـلـيـل مـقـفـي مـريــره
والعصـر بالصمّـان تسمـع لهااضـراس
حـبــل الـرّســن خـطــرٍ تـبـتـر جـريــره
نـهــار ثـالــث بــيــن حــمــا والأوراس
واره يـمـيـنـك جـعـلـهـا لــــك سـفـيــره
ثـــمٍ عـلــى سـاجـيـةٍ تـقـلــب الــــرأس
تمـشـي بهلـهـا فــي البـحـور الـغـزيـره
إلى مسقـط الفيحـاء بهـا الخيرمحتـاس
لــولا الـكـفـر والـشــرك يـــاوي ديـــره
فيهـا الطبيـخ وراهــي الخـبـز يـادبـاس
يقـعـد خـــويّ الـــرأس خـنــة خـمـيـره
هــي ديــرة الـلـي بـاغــي كيـفـةالـرأس
ولا لـه أحـد هـمـه مــن الـنـاس غـيـره
هيـسٍ ولــد هـيـس للمواعـيـن لـحـاس
يـفــرح لـيــا نـيــدي لــذبــح الـنـحـيـره
وماقفـك ذا يـا دبـاس مـا فيـه نـومـاس
يـصـلـح لـقـيـنٍ مهـنـتـه طـــق زيــــره
تــــرى الــفــداوي دون وانـشـدالـنـاس
راعـيــة مـــا يـذكــر بـمــدح أو غـيــره
ما له سـوى طـق الحنـك منـه واليـاس
ولـيـا انقـطـع خـرجـه فــلا لــه ذخـيـره
طـلـب المعيـشـه بالحـراثـه والأجـنـاس
المشـتـرى والـبـيـع يـوصــف وغـيــره
قـم انـهـض العـيـرات مــع كــل فــراس
يــا دبــاس دوّر خـيــرن تستـشـيـره ٍ
جــدك و عمّـانـك هــل الـعـزم والـبـاس
أهـــل الـمـواجـب مكمـلـيـن الـقـصـيـره
يا دباس ما يصبر على البـق والحـاس
إلا الـــــذي مــالـــه بـنــجــد عـشــيــره
والـيـوم يــا مــروي شـبـا كــل عـبـاس
أنــت الـرجـا يــا كـعـام وجــه المغـيـره
عشريـن عــامٍ كلـهـا ارجـيـك يـادبـاس
مـثــل الـغـريـر الـلــي تــولــع بـطـيــره
عــدل المنـاكـب هلـيـع فـــرخ قـرنــاس
يمـنـاه فــي لـطــم الـحـبـاري شـطـيـره
عانـق خلـوجٍ روّحــت عـقـب مــرواس
عـنــد العـصـيـر لبـيـضـهـا مـسـتـذيـره
والليـل جاهـا وحـال مــن دونهاالـيـاس
روحـهــا عـلــى فـرقــاه فـــرت فـريــره
يـا دبـاس أنـا يابـوك مــا نـيـب بــلاس
مــيــر إن عــيــلات الـرفـاقــه كـثــيــره
جنبت وسط السوق وامشي مع الساس
واخــذ شــوي الـحــق وأتـــرك كـثـيـره
يـا دبـاس لـو جبـت مـن دحـا لأكـيـاس
مخـتـلـفـة مــــا بــيـــن رز ونــيـــره ٍ
مـا لـي بـهـا يــا جعلـهـا بـألـف قـبـاس
أو جعلـهـا تـذهـب ولـــو هـــي كـثـيـره
يـا دبـاس قلبـي كـل مـا هــب نسـنـاس
شـرقــيــة هــبـــت بـقـلـبــي سـعــيــره
والـحـال يـافـرز الـوغــى مسّهـاالـبـاس
عـلـيـك يـــا نـاطــح وجـيــه الـمـغـيـره
وغصـون قلبـي يـا فتـى الجـود يـبـاس
غــــاد أنــــا يــابــوك كــنــي هـشـيــره
مــن شافـنـي يـقــول ذا فـيــه لـســاس
والـلــي بـــرا حـالــي إلــهــي خـبـيــره
لا وعــلا مـــن قـبــل غـــوّال لأنـفــاس
ومــفــارق الـدنـيــا يـجـيـنــا بـشــيــره
عسـى يطـق الـبـاب والـنـاس غـطـاس
يـــا والـــي الــقــدرة عـلـيــك تـعـبـيـره
وصــلاة ربــي عــد مــا هــب نسـنـاس
عـلـى النـبـي عـــدة حـقــوق المـطـيـره

[راعي الريشا]

تسلم ياراعي الاكحل

نشكرك على هذه القصيده المشهوره والمعروفه لدى
كثير من الناس خصوصا كبار السن قصيده معبره ولها قصه مؤلمه

ماحصل قصور
ولاهنت يالذيب