المشاركه من الجميع بحل اوطرح اللغز او الغبوه

[الغنيم]

بسم اللهالرحمن الرحيم
تحيه طيبه الا عموم اخواني في هذا المنتدى المتألق الذي احب ان اطرح فيه هذه المشاركه المتواضعه كما ارغب من الجميع المشاركه بحل اوطرح لغز اوغبوه وبذالك تتفاعل المشاركه
من الجميع ولكم جزيل الشكر ....
بسم الله ابدا باول المشاره بطرح هذه الغبوه
(( حاكم حكم شرقها والغرب والكل راضي حكمه اصم ابكم مايشوف الدرب))
وسلامتكم شاركونا بالحل....

[>>>ابومحمد<<<]

الميزان الله يسلمك

والكلام لي انت قلته ناقص ولا هي :

حاكم حكم شرقها والغرب = وكل الملا راضيه بحكمه
أصم عمى ما يشوف الدرب = يا عارفه جيبلي اسمه

[الغنيم]

بيض الله وجهك يا ابو محمد ومشكور على الحل و المشاركه خذ الثاني والمشاركه للجميع

أسألك عن شايب نابه يباريه .... مايأكل إلا خشب من لحمٍٍٍ طريه

[الغنيم]

وين النـــــــــــــــاس

المشاركه لو يكون الحل للغز غلط بعد محا وله او محاولتين نقول الحل

[>>>ابومحمد<<<]

والله مدري واخاف اقول ويطلع خطأ

لاكن تدري :>>>>>المنشار<<<<< .

[الغنيم]

حياك اخوي ابو محمد ترى قربت شوي يوم نشتغل بالخشب بالنخل اقولك تراه موجود بجيب الحطاب .....

[m!sS sEeSeE]

ايييييييي الفأس !؟

وتسلم على اللعبه الحلوة يا الغنيم :)

[الزبون]

:y
انا اقول الجوووووووووووووااااااااااااال صح؟؟؟؟؟؟؟؟؟؟؟
هو اللي دايم بالجيييب
اكيد صح

[الغنيم]

مشكورين اخواني على المرور وبي اقولكم الحل سهل جدا هو.. المنقاش..

ولي عنده اي لغز يكتبه ...ويشترك الجميع بالحل مشكورين

[m!sS sEeSeE]

العفو ..


حامل ومحمول، نصفه ناشف ونصفه مبلول فما هو ؟

[>>>ابومحمد<<<]

على ما اعتقد السفينه او القارب

لاهنت .

[m!sS sEeSeE]

للاسف الاجابه غلط

والاجابه الصحيحه : جوتي ( حذاء) ايام المطر :lo اتغشمر .. اجابتك صحيحه

يلا دورك ..

[>>>ابومحمد<<<]

أنـشدك عـن رجـل يـسمى على امه = ما هو نـبـي واظن ضـمـن الطبيعة

مـا ريــتـه تـلـقـاه بـأ رض مـطـمـه = ولـيـا مـشى يـكـفـيـك بارق لـميـعه


يله ننتظر الجواب .؟...؟.

[m!sS sEeSeE]

مممم وادي فاطمة !؟

[>>>ابومحمد<<<]

صحيح .

[m!sS sEeSeE]

:)

أنشدك عن بنت تجيب اربع عيال = الكل منهم ما يوالم خويه

اعمارهم تسعين بكل الاحوال = مره تزيد ومره تنقص شويه

[أبو نواف]

هذي خلوها عندي الله يبارك فيكم
(السنة) وعيالها أربعة فصول
وقولوا صح حتى أعطيكم لغز مصلح مرستك

[>>>ابومحمد<<<]

الجواب صح لاكن ما لحقت مبروك لك .

[m!sS sEeSeE]

احسنت.. إجابةٌ صحيحة :)

[الغنيم]

ماشاء الله الغاز جميله ومشاركاة ممتعه المزيد يا شباب الله يعطيكم العافيه

[الغنيم]

شيء تعده من عزيز المال***عايش مابين نهرين مخفيه
ياما تسبب في ضياع إ رجال***وياكم ناس فيه مبليه
وعند النساء يالطيف الحال***تذكرو ياأهل العقول الذكيه


ويش الحل ياشباب...........

[الزبون]

الحل عندي هاذي المره يالغنيم
هو (( اللســــــــــان ))
وإن شاء الله صحيح

[الغنيم]

ماشاع الله عليك اخوي الزبون هذا هو الحل الصحيح
ونبي تشاركنا بلغز من عندك مشكووووووور

[الغنيم]

المشاركه يااخوان جيده و شيقه فكرو فيها وتفاعلو معاها شوي

لاتبخلو علي بالمشاركه لو تكون غلط

اسألك عن عذراء مالها ريش ولاجناح ** تسبق الطيور الطائره وهي ما تطيري

شاركوووووووووووووووووووونا بالحل

[الغنيم]

الله أكبر اكثر من 200 مشارك شاهدو الموضوع ولا واحد شارك
بس اكيد الموضوع ما عجبكم .........ولا تزعلون ..اخر مشاركه
في هذا الموضوع بحل هذا اللغز...
الحل هو(( العيــــــــــــــــن )) مشكورين

[m!sS sEeSeE]

السلام عليكم ورحمة الله وبركاته ..

معليه اعذرهم :) ..

.: اللغز :.

سود اللون يخرج دائما من النور؟ إذا صادف إنسانا فإنه يدمع؟

فـ ماهو :lo

[>>>ابومحمد<<<]

الدخان

وارجو ان يكون الجواب صحيح .

[**المهاجر**]

وانا اقول انه الدخان بعد؟؟؟؟ بس تراني ما غشيت الاجابة!!!

[m!sS sEeSeE]

>>>ابومحمد<<<

وانت الصح :) .. المهاجر نعرفك ماتغش

ننتزر لغز حد تاني ..

[الزبون]

السلام عليكم
عندي لغز واتمنى تفعيل هذه الصفحة من الجمييييععععععع
اللغزهو:
اسالك عن عذراء لها ثلاث عيون
اللي مايطيعها تركبه ديونها


ترى الحل سهل وماهو بعيد كل يوم تشوفونه .

ننتظر الحلول

[راعي الريشا]

حياك الله يالزبون
إن كان توقعي صحيح فهذه العذراء تدخله السجون بالاضافه اللي الديون ويجوز تدخل القبور
كفانا الله شر قاطعي الاشارات المروريه والمتهورين

[الزبون]

ابقاك الله ياراعي الريشا
وصح لسانك , وشكرا على المشاركه
وعندي راي انكم تثبتون الموضوع لانه موضوع طيب ويدعو للتفكيرِ