سؤال لدكتور او اهل الخبره

[سعد 1111]

السلام عليكم ورحمة الله وبركاته

هل تطعيمة الجدري سهله يعني اقدر اطعمه انا بنفسي لان في واحد قالي انها بسيطه بس ارفع الذنب واحقن الابره في الشحمه نصف سم
لان المعوي والدموي طلعت عليها دكتور وخذا من 900ريال وابي اوفر
وش رايكم
وشكرا لكم

[وذينان]

يا أخ سعد تطعيمة الجدري سهلة جدًا يمسك العامل ذيل الشاه ويرفعه فوق ولايشده واجد
أيش تسوي انت ؟
تسحب الجلد بالسبابة والابهام وتحقنها با لابره من فوق أو من الجنب ولا تدخل الابرة واجد نصف الابرة عشان المحلول مايطلع بره أو يدخل في الشحم يعني المحلول لازم يكون بين الجلد والشحم والدليل على ان تطعيمتك صحيحة عندما تحقن المحلول ترى مثل الكورة صغيرة تحت الجلد
وطريقة خلط المحلول تاخذ التطعيمة وتخففها بالمحلول الزجاجة 50 مل وتعطيها نص سم اوتخلطها مع 100 مل وتعطيها 1سم

[سعد 1111]

الله يعطيك الف عافيه

[حسن حسين حصل]

بسم الله الرحمن الرحيم
السلام عليكم
ان طريقت ومعلومات الاخ سعد1111 صحيحة ولكن ازيد بعض التفاصيل على طريقت حل عبوة الجدري بالماء
مديرية الزراعة عند توزيع تطعيمة الجدري الواحدة تعطي معها عبوة ماء واحدة وهي تحتوي 50 مل من الماء فاقوم بسحب 3 سم من الماء واحقنها بعبوة الجدري وامزجها جيدا ثم اسحب المحلول واعيده الى زجاجة الماء التي سحبنا منها سابقا وهذه العبوة تكفي 100 راس غنم على نصف سم تحت جلد ذنب الاليه.
واذا ترغب بتحويل النصف سم من اللقاح الى واحد سم
نأتي بعبوتين من الماء ونسحب من كل واحدة 3 سم ونضعها في عبوة الجدري الصغيرة 6 سم وبعد حلها نسحب ال 6 سم ونعيد 3 سم الى الزجاجة الاولى و 3 سم للزجاجة الثانية وبذلك يصبح بامكانك ان تعطي واحد سم لكل راس تحت جلد الاليه

[ابو سعود1]

الاخوان كفو ووفوا وبالفعل سهل

[ابو سعود]

الاخوان ما قصروا
اعطيك بعض الاشياء اللي بتسهل عليك التطعيم
اشتر لك مسدس تطعيم وهو متوفر بالصيدليات وتقدر تختار المقاس اللي تبيه 1 سم أو 2 حتى 5سم
وهو اسرع واسهل وله رؤوس أبر تباع عدة مقاسات اختر الصغير للية
واذا تبي تحل ابره الجدري في محلول مائي عند البيطري مقاسه 100 سم حل الابره فيه
وعلى فكره حسب ما أعرف مهوب شرط تضرب الجدري باللية وانا ما قد ضربت باللية ابداً

[حسن حسين حصل]

بسم الله الرحمن الرحيم
اخي الكريم ابو سعود
ابرة الجدري شرط اساسي ضربها بالالية
والا فائدتها قليلة وتسبب مشاكل اخرى
الدكتور ابو انس

[سيف بن سالم]

انا اسمع الليه والليه

طيب في العنز وين اضربها وكيف


ممكن اعرف ابر التسمم الدموي والمعوي وين تنضرب وشو الفرق بينها وبين الجدري

وعندي سؤال اخير هالابر جدري ومعوي ودموي تنعطى كل سنه مره ولا كيف؟؟

[خروف مصرقع]

يزاكم الله خير

[بومنصور قطر]

يمسيك بالخير بخصوص الابر تنعطى مرة وحدة في السنة ( الجرعااااااات هاذي تراها مهمة للغاية)
:t