يا اخواني هل البرسيم يكفي؟؟؟

[شمســـان]

السلام عليكم
عندي غنم نعيم توها واصلة وعندي مزرعة والبرسيم متوفر ولله الحمد بنوعيه الجاف(بالات)والأخضر
فهل البرسيم يغني عن الأعلاف الأخرى اذا تم توفيره بكثرة
واذا كان يكفي فكم يكفي منه لعدد مائة رأس
وجزاكم الله خيرا

[بلدي]

للتسمين السريع لا يكفي .. بل حط معه شعير ومكعب ..!!

وشف الناتج ..

[سلطان الحربي]

يا اخوي هل يكفي الكائن الحي اكل واحد ؟
لا . انه ينقص بعض العناصر من فيتامينات ينقصه بعض الاملاح
يعني لو تحط مع البرسيم قليل من الشعير او علف المركز اذا كانت للانتاج يجمل الحال
لكن اذا بتسمن لبد تكثر الشعير او المركز

[شمســـان]

شكرا للأخوين بلدي وسلطان الحربي
ومازلنا ننتظر المزيد من المعلومات

[سهران]

السلام عليكم

انا ناوي اسوي مثلك يا شمسان ... فكل بحثي على علف اساسه البرسيم

ومن الحاجات اللي مريت عليها هو جدول فيه ثلاث خيارات للعلف الرئيسي المتوفر

طبعا البرسيم لحاله مايكفي ... بس بيكون هو الرئيسي

برسيم الاخضر لحاله يسبب النفاخ .. فلازم تحط قبله علف جاف بكميه قليله
وبعدها البرسيم ... هذا الصباح

وبالليل ..... تحط البرسيم اول .... وبعدها العلف المركز (من اراسكوا)

العلف المركز تحط ياطويل العمر بروتين 18% للطليان
وبروتين 15% للكبار (تكثير البروتين للكبار يسبب حصى بمجرى البول )

يعني اللي تحتاجه:
1- برسيم اخظر بكمية كبيره ... وهو متوفر عندك والحمدلله
2- علف جاف بكمية قليله .... (مدري اذا البرسيم الجاف يصلح ولا لا)
3- علف مركز بكمية قليله

وهذا جدول لقيته في موقع alkherat


تغذية الكباش خلال موسم التلقيح كجم /راس يوميا---------------------------------------------الوزن الحي
عليقة 3 -------------------عليقة 2 --------------------عليقة 1

دراوة------- علف مركز---------دريس---------علف مركز------برسيم----- علف مركز
2----------- 0.6--------- 0.5--------- 0.9--------- 3----------- 0.6--------- كجم50
2----------- 1.0--------- 0.5--------- 1.6--------- 3-----------1.0--------- كجم 70

تغذية الكباش خارج موسم التلقيح كجم /رأس يوميا
2----------- 0.3--------- 0.5--------- 0.6--------- 3----------- 0.3--------- كجم35
2----------- 0.6--------- 0.5--------- 0.9--------- 3----------- 0.6--------- كجم50

تغذية التعاج في نهاية مرحلة الحمل كجم / راس يوميا
2----------- 0.9--------- 0.5--------- 0.7--------- 3----------- 0.9--------- كجم35
2----------- 1.4--------- 0.5--------- 1.2--------- 3----------- 1.4--------- كجم55

تغذية النعاج قبل التلقيح بأسبوعين كجم/راس يوميا
2----------- 0.3--------- 0.5--------- 0.6--------- 3----------- 0.4--------- كجم35
2----------- 0.6--------- 0.5--------- 0.9--------- 3----------- 0.6--------- كجم55


بالنسبة للاملاح والفيتامينات ... اتوقع اذا بتشتري من (اراسكوا) بتكون مظافه فيه
وتكفي

تراني ماني براعي غنم الى الحين .... ولكن هذا اللي ناوي عليه انشالله .. والى الحين
قاعد ابحث وانشد واتعلم

وانشالله الاخوان اهل الخبره يقرون موضوعي وياكدون اذا انها تصلح ولا لا ..

واذا عندهم ملاحظات ... ياليت ينسخون الجدول ويعدلونه بملاحظاتهم

بكذا يكون عندنا جدول خاص للي يبي يكون علفه الاساسي برسيم

والله يوفقنا واياك لكل مافيه خير