جميل يكون عند الواحد مكان يبيع فيه الحلال ..

[أبو حــــاتـم]

جميل جداً يكون عند الواحد مكان يبيع فيه الحلال .. (حوش في السوق مثلاً)

أبسأل عن سوق العزيزية في الرياض .. هل الأحواش تأجر .. وبكم .. و وين أحصل مكاتب التأجير..

أحس أني ضايع بالطوشة لا عندي دينا أحمل وأبيع ولا حوش في مكان معروف..

[راعي الحلال]

ونا اخوك لا تخسر نفسك وتاخذ حوش عسى الواحد منى يلحق يتابع حلاله وشلون يزيد عليها حوش يبيع به الى اذا حلالك واجد مره بكذا يكون كلام ثاني

[أبو فهد]

اخوي ابو حاتم
الاحواش في سوق العزيزية حميعها موجرة
لكن يمكنك ان تستاجر جزء من حوش ب 200 ريال شهريا وذلك بالتفاوض مع اصحاب الاحوش واذا قربت الضحية انس انك تحصل محل فاضي
وبالتوفيق

[عبدالعزيز الحاتم]

اعتقد يوجد مكتب للتأجير في السوق عليك بمراجعتهم وستجد طلبك؟

[mohd00026]

نصيحة

لا تلحق مقيط رشاه

[أبو حــــاتـم]

ونا اخوك لا تخسر نفسك وتاخذ حوش عسى الواحد منى يلحق يتابع حلاله وشلون يزيد عليها حوش يبيع به الى اذا حلالك واجد مره بكذا يكون كلام ثاني

الله يبارك بك .. لكن كيف الواحد يصرف حلاله ..؟؟

اخوي ابو حاتم
الاحواش في سوق العزيزية حميعها موجرة
لكن يمكنك ان تستاجر جزء من حوش ب 200 ريال شهريا وذلك بالتفاوض مع اصحاب الاحوش واذا قربت الضحية انس انك تحصل محل فاضي
وبالتوفيق

الله يبارك بك .. وترى كلامك يعجبني ويقنعني .. شر علي كيف الواحد يصرف حلاله ..؟؟

اعتقد يوجد مكتب للتأجير في السوق عليك بمراجعتهم وستجد طلبك؟

الله يجزاك خير .. بس انا سألت لأخذ فكرة قبل مراجعة السوق .. وهذي من فوائد المنتدى

نصيحة

لا تلحق مقيط رشاه


الله يجزاك خير بس والله ما عرفت ولا كلمة .. ياليت تكتب باللغة العربية الفصحى .. وإلا بأي لهجة مفهومة


يبارك فيكم ربي ,,

[ولد نجد]

بسم الله الرحمن الرحيم

اخوي ابو حاتم : الله يجزيك خير انت ومن قراء في هذا المنتدى الاغر , بالنسبه للاحواش لا تتعب نفسك انا طاردت وما حصلت وبعد جايب واسطه ولما جبنا واسطه قويه قالو ما فيه , ويوم بغو يرقعونها قالو نعطيك ارض فاضيه وانت تسورها وتعمرها وقبل هذا كله تدفع نقل قدم 40 الف(تطفيش وتعجيززززز) وقالو احتمال ينقل سوق الغنم خلال السنوات القريبه الجايه من 2 الى 5 سنوات وقالو ما تطالبنا بشي وتسلم الارض مثل ما استلمتها واذا تحب تسال رح للامارة (امارة الرياض) لانه المكتب اللي بالسوق ما عنده شي شغلته بنظم السوق ويخذ اجار ويصادر غنم بس ,الامارة قسم امانه مدينة الرياض قسم المشاريع قسم الاسواق قسم سوق الغنم طويله ههههههههههههههه من قسم لقسم المهم هذا الحاصل
وتبي نصيحه قالها لنا موظف في اذن الواسطه حقتي قال شف لك اقرب استراحه (حوش ) واستاجر واوصانا على حي المصانع هو اقرب شي وعلى فكره فيه احواش فاضيه ومسكره لكن يرفضون ياجرونها يقول يزعلون كبار التجار بالسوق بذمتك هذا حكي
المسأله (احتكااااااااااااااااااااار) وقليل من الحسد . وانتهت معاناتي باجار حوش بمبلغ 7500 ريال في حي المصانع بالكثير 20 دقيقه وانا بالسوق .
بالنسبه للاجار 200 ريال انا ما ايد واصلا يوم فكرت كثير وحسبتها في رأسي قلت والله اني ما عندي سالفه اسبوع اطارد على حوش وفي الاخير بيصير جاري وربعه انواع الامراض عندهم الله يخارجنا,,,,,

الله يرزقنا ويرزق كل مسلم في هذا المنتدى وغيره

[أبو حــــاتـم]

بسم الله الرحمن الرحيم

لانه المكتب اللي بالسوق ما عنده شي شغلته بنظم السوق ويخذ اجار ويصادر غنم بس ,

الله يرزقنا ويرزق كل مسلم في هذا المنتدى وغيره

معقولة ..!! ليش (على أي أساس) يصادرون الغنم؟؟

- 200 ريال على أيش ؟؟ طيب كم المدة .. هل باليومية؟

- طيب كم مساحته.

ليش ما تنصح فيه؟


وانتهت معاناتي باجار حوش بمبلغ 7500 ريال

في السنة؟

[ولد نجد]

بسم الله الرحمن الرحيم

اللهم صلي وسلم على نبينا محمد وعلى ال محمد :

اخوي ابو حاتم: حفظة الله ، بالنسبه الاستفساراتك:
مصادرة الغنم : تصادر من الضعوف يستغلونهم بحجه المخالفه وطبعا المخالفات انواع وبعدين يحطونها بحوشهم واذا تبيها تعال ادفع مخالفه (او بخشيش من بعيد ) وتجيك غنمك والادهاء والامر لما يصادرونها يقول جب علف لها والا ترى بنخليها تموت من الجوع , يعني حلالك ويؤخذ وتجلس تعلفه لهم ويمكن يرجعونه ويمكن لا .وشف الحوش حقهم جنب المبنى لونه ابيض
واحيانا يبيعون المصادر بعد ما كل واحد يخذ ذبيحه البيت . لكن ما يبيعون اي واحد الشرايه عندهم معروفين يتصلون فيهم ويجون يطامرون ،وانا اعتقد اللي يشتري منهم شاري شي حرام (مأثوم) .

بالنسبه للحوش 200 ريال : هذا تستأجر جزء من الحوش يعني تحصل الحوش مقسوم بالعشاش والخشبان وانواع الروائح والجراثيم ،يعني يمكن يعطونك 6 متر في 6متر بــ200 شهريا
وطبعا الحوش قذر اعز الله القارئ وتحصلهم ماجرين الحوش الواحد على سته او عشرة اشخاص ما فيه نظافه بالحوش ابد ابد فوق هذا كله ما يعطونك مفتاح يقلون تجي في وقت مناسب من الصباح الى العصر وبعدها لا نشوفك الحوش يقفل . مرمطه

انا اخذت حوش 7500 في المصانع نظيف وفيه اماان الداخل معروف والطالع معروف هي مجموعه احواش محوطه بحوش كبير ومساحة الحوش520 متر وفيه بنجلاديشي يعلف ويسقي بالشهر 100 ريال، انا عندي مزرعه بالخرج لكن الحوش احتاجه لو ما بعت او اشتريت بيعه من الرياض ما اضرب مشوار (ارميها بالحوش الين نروق ) وبعدين أوديها للمزرعه وبعدين ما يذلني اذا سام سومه مثل وجهه اضطر ابيعه حتى ما اروح اطق مشوار للخرج ، يعني الحوش مخذه نقطه وصل بيني وبين المزرعه والا اغلب الحلال بالمزرعه.

والله يكيتب اللي فيه خير لنا ولكم

[أبو فهد]

معقولة ..!! ليش (على أي أساس) يصادرون الغنم؟؟

-

يوجد في السوق كثير من المخالفات من قبل العمالة الوافدة
مثلا الوقوف باغنامه في منتصف الشارع ويعيق حركة السيارات
الوقوف عند مدخل السوق واول ما يدخل الزبون يوقفونه (يوقف قدام السياره) وبطرق ملتوية يسحبونه الي احواشهم يعني اشتري مني بالقوة
وغيرها الكثير

[ولد نجد]

بسم الله الرحمن الرحيم

الظاهر هم يعرفون شغلهم زين الدعوه مو تنظيم استغلال وبخاشيش

اللي يعطي يغمضون عنه واللي يخافون منه يسكتون عنه واللي يرقل معهم يستغلونه
1- ناس تعطي تسوي بالسوق اللي تبي
2-وناس البلدية تخاف منها ما يقلون لهم اف .
3-وناس ترقل مثل الاجانب وتدفع وتتقي الشر .
اخوي ابو فهد هذا مو من عندي : لكن انا شفت وقالو لي الاجانب السوق
انا درستة وحفظته !! الظاهر ابألف فيه موسوعة .
اقولك سررررر ترى مو على كيف اي واحد يدور الدلال اللي يعجبه.
فيه دلالين ما يكلمونك ويناظرك بطرف عين .
تدري وش شغلته يجي الدلال الفجر مع سواقه مكشخ ولابس الصدريه : ويحصل الغنم مربطه ومرتبه ويصلي الفجر ويحرج ويخذ الفلوس ويروح للبنك ويودع الفلوس او يروح لحوش عمه ويحاسبه ويمشي (طبعا العم حاط مكتب المحاسبه في الحوش ).ولو تجي لدلال تقول ابغاك تحرج لي يقول ابعددددد . وتحصله يتلفت يمين ويسار يخاف احد شافه وانت تحاكيه !! حتى المحرج يحتكر ؟؟؟؟ وفيه دلال يطنشك ما يكلمك لو تكلمه !! هذا ثقيل وعمه يحبه . يعني المسأله قووه واحتكار ومحكومه وكلني عيش واوكلك بس.
طبعا انا اتكلم عن السوق الفجر اما العصر الدعوه سرده مرده المحرجين واجد طبعا محرجين البطرانين اللي عندهم عمام ما جيون الا الفجر . وما يشتغلون الكبار الا الفجر اما العصر للجلابه والضعوف اللي يترزقون الله بعشرة وعشرين رأس:f

[أبو فهد]

ما شاء الله عليك اخوي ولد نجد عارف السوق واسراره بالفعل المحرجين بعد الفجر معروفة اماكنهم ما يغيرونها وهم من عرفت سوق العزيزية وهم متواجدين في نفس الاماكن كانها ملك لهم
هل هم مستاجرين تلك الاماكن او ما خذيتها بوضع اليد !!
واذا جت الساعة 8 معد تشوفهم الا بكره الفجر يعنى ما يشتغلون الا ساعتين في اليوم فقط !!

[ابو سعود]

خبر جديد
حسب ما سمعت اليوم من بعض الأصدقاء في سوق العزيزية
أن السوق سوف تستلمه شركة ( سوق الغنم + الحطب + العلف )
وقد قامت هذه الشركة بتوزيع أوراق على الأحواش في هذا اليوم
مضمونها
أنها سوف تقوم بانشاء احواش جديدة وعلى من يرغب في الحصول على حوش
التقديم وسعر الإيجار السنوي للحوش الواحد هو 30000 ثلاثون ألف ريال
وهذا التنظيم شامل للأحواش الجديدة التي سوف تنشأ وكذلك للأحواش القديمة
وقد كان هذه الخبر محزناً ( كونه رفع الإيجارات بشكل جنوني )

[ابو سعود]

اخوي ولد نجد
لو ما عليك أمر أبي شوي تفاصيل عن الأحواش اللي ذكرتها بالمصانع

[أبو فهد]

30 الف سعر غير معقول شي خيالي
استاجر فلا واحط غنمي فيها ارخص هههههه

[بلدي]

مجرمين .. لكن موعدكم يوم البيعة ..

[saaad]

للاسف نحن نسرق نظاميا

السوق للامانة والامانة تبعيتها للدولة

والتأجير للمستثمر ؟؟؟؟؟؟؟؟؟

وتتحول المسئلة الي أجارات زي ماتشوفون وتسمعون

كان اسواق غنم او سمك او خضار

لا تزعلون المسئلة خصخصا

[أبو حــــاتـم]

وسعر الإيجار السنوي للحوش الواحد هو 30000 ثلاثون ألف ريال


الله يسلمك بدل هذا كله اطلع دينا سلف أو بالتقسيط ومعها سواق.. ويالله من فضلك .. أوفر ..بل فيها مربح الي بيستغلها صح ..وأقل شيء بدخل قيمة السواق وصيانتها على ظهرها ..

:lo

[نياف]

ياأخوان وجهة نظر خاصة

أنا من أهل الرياض ومولود بالرياض

ياأخوان إذا كنت ماتقدر تأخذ حوش سو لك مخيم في جوانب الرياض
والله أنه أفضل من السوق وأنفه للجلسة بالصيف وأيضا بالشتاء حط لك صندقة وفيها وجار وشب الحطب وعليك بالحليب بالزنجبيل

إذا كنت من شمال الرياض طريق القصيم
شرق الرياض (النظيم -الجنادرية- طريق الدمام- جنوب حي السلي)
جنوب الرياض (طريق الخرج- جنوب حي السلي )
غرب الرياض (ياكثر الأراضي على طريق مكة )

أنا عندي مخيم مرتاح فيه نظيف وقريب ومخليه مخيم عوائل

[أبو حــــاتـم]

ياأخوان وجهة نظر خاصة

أنا من أهل الرياض ومولود بالرياض

ياأخوان إذا كنت ماتقدر تأخذ حوش سو لك مخيم في جوانب الرياض
والله أنه أفضل من السوق وأنفه للجلسة بالصيف وأيضا بالشتاء حط لك صندقة وفيها وجار وشب الحطب وعليك بالحليب بالزنجبيل

إذا كنت من شمال الرياض طريق القصيم
شرق الرياض (النظيم -الجنادرية- طريق الدمام- جنوب حي السلي)
جنوب الرياض (طريق الخرج- جنوب حي السلي )
غرب الرياض (ياكثر الأراضي على طريق مكة )

أنا عندي مخيم مرتاح فيه نظيف وقريب ومخليه مخيم عوائل


لكن المقصد مكان البيع ..

[ابو سعود]

هذا الإجراء الجديد إذا طبق
من شأنه أن يرفع اسعار الاغنام حتى يتسنى لهم دفع الإيجار
سابقاً كان الإيجار من قبل الأمانة بـ 2500 ريال سنوي ومنهم من أجره
بـ 10000 أو 15000 مع العلم أن بعضهم يملك حوشين وثلاثة ولكن حالياً
السعر على الجميع

[نياف]

لكن المقصد مكان البيع ..

أبو حاتم

الكلام عن وين تحط حلالك في مكان قريب للسوق

أما البيع
في سوق العزيزية والنظيم
فهناك بيع الصباح للجلابة ولو رأس
وهناك بيع العصر


وإذا كان بيعك بهم وغنم للذبح
تبيع الصبح والعصر
في العزيزية والنظيم
وتبيع على عملائك السابقين في حوشك وين ماكان في مدينة الرياض


صدقني أخوي مايحتاج حوش وإن كان الحوش طيب ولكن بهالشروط لا وألف لا

بالتوفيق

[راعي الحلال]

البيع
انك تنزل حلال بنفسك بسيارتك
او عن طريق الجلابه

[أبو حــــاتـم]

البيع
انك تنزل حلال بنفسك بسيارتك
او عن طريق الجلابه


الله يبارك فيك وفي الأخوة جميعاً

هل تقصد بالجلابة الدلال ؟؟

ياليت أحد يوضح طريقة عمل الجلابة .. وكيف التعامل معهم ؟؟

الله يعطيه الصحة والعافية ..

[من جنب القدة]

الحمد لله يبيع الغنم وهي في شبكها مايحب يروح للحراج

[أبو حــــاتـم]

الحمد لله يبيع الغنم وهي في شبكها مايحب يروح للحراج

يعني أنت تبيع الغنم وهي في شبكها ماتحب تروح للحراج ..

جميل جداً ..

ملخص الموضوع ..

بيع الغنم بأربع طرق

1/ البيع مباشرة من الحوش داخل السوق..
وضريبتها:
- أجار الحوش.
- أكثر الناس -في تصوري- ماتحب تأخذ من الحوش الي داخل السوق. لأنها مارعت.

2/ البيع بالسيارة ..داخل السوق
وضريبتها
- قد تأخذ مخالفة.
- قد تضطر للبيع بأي سعر .. أو تضطر العودة لمراح الغنم.

3/ البيع داخل المراح.. خارج السوق
وضريبتها
- معزول عن عالم الغنم.
- الزباين محدودين . فالبيع لأناس معروفين .. قد تنحرج منهم وقد ماتسلم منهم.

4/ البيع لأصحاب المحلات التجارية (بالإتفاق معهم) -مطاعم ملاحم-
وضريبتها
- أسعار زهيدة

ياليت من الأخوة جميعاً إبداء رأيهم في الملخص .. وإذا فيه المزيد من الإضافات..

[فهد((ابوسلمان))]

السلام عليكم ورحمة الله وبرركاته
يشرفني ان اكون عضو بينكم وارجوووو ان افيد واستفيد
اخوي عبدالعزيز الحاتم تبي النصيحة خذلك حوش في سوق العزيزية اوووو شف لك حوش في حي المصانع اسعار رخيصة واحواش مساحتها حليوووة وبذالك تكون قريب من السوق والاهم عامل ينضف ويهتم في الحلال الله يوفقنا وياكم
وشاكر ومقدرررر

[فهد((ابوسلمان))]

اسف اسف ارد الي توو تكلمت فيه لبوووو حاتم وانا غلطت وقلت عبد العزيز الحاتم
اعتذررررر للجمــــــــــــــــــــــــــــــــــــــــــــــ ــــــــيع

[ابوبسام]

والله معاناة

[ولد نجد]

بسم الله الرحمن الرحيم
المقصود : بالجلاب . مهوب المربي . الجلاب هو اللي يدور في كل المناطق ويصيد الاغنام باسعار رخيصه ويجمعها ويولف عليها ويجي يبيعها ويكون مربحه من 20 الى 60 وقد تزيد وقد تنزل حسب الوقت والاسعار والفرص .
الحين اكثر المربين ما يتعنون الى الرياض للبيع فيه . لانه لو ما باع بصير متعلق . لكن الان الجلاب صار حلقة وصل بين المربي والسوق وبكذا الكل كسبان والمرتاح المربي يبيع حلاله وهو في منطقته والرابح الجلاب يخذ حق الدرب ويطلع مربح . وانا محاكيكم كنت احد الجلابه واستمريت تقريبا 8 سنوات ومرت علي تحولات
الى ان اصبح مسمى وظيفتي الأن مربي ومنتج . وبالله التوفيق

[ولد نجد]

بسم الله الرحمن الرحيم
بالنسبه لنقطه اللي طرحها ابو حاتم . الله يحفظه
3/البيع داخل المراح .. خارج السوق .
نظامي انا فيها كل يوم ادخل السوق شبه يوميا اصلي الفجر بالسوق . وندردش ونخذ علوم الغنم ونخذ فكره عن التغيرات بالاسعار ونقراء المستقبل .
وزباين الحوش : ناس شرايه . تحمل وما تكاسر لانهم يعرفون السوق والاسعار .وتشيل كميات اقل واحد عندي يشيل من 15 الى 50 راس . ابورأس و راسين . الله يستر عليه .عدا الاصدقاء يخذون لبيوتهم صعبه نقول السوق يناديك .
بالتوفيق