بالنسبه للبروه ومقدار الاعلاف عليها

[راعي الريشا]

الاخوان الاعزاء
السلام عليكم

كم يعطون الصوامع من النخاله على من لديه 300 راس غنم
وكم يعطون على الابل ؟

ياليت الاخوان اللي راجعوا الصوامع يعطوني فكره



..

[راعي الريشا]

اليوم رحت المصنع ولقيت العالم على بعض زحمه وبعدين طلع اكثر ما يعطونك من علف التسمين 5 اكياس والنخاله لكل 100 راس 15 كيس
والاسعار النخاله 15 ريال العلف التسمين 24 ريال
والكلام بدون بروه يعني اي سعودي معه بطاقه يقدر يروح ويصرفوله وانصحكم بتوجه لهم ويكون معك واحد من الربع عشان يصرفولك 10 اكياس وحلوه في الاسبوع 10 اكياس

هذا رد لأبوسلطان على أحد المواضيع وجدته ونقلته هنا وهو تقريباً مأبحث عنه
ولكن يبقى كم نخاله يستطيع الشخص يأخذ على الابل وكم راس ؟

[أبو ســلطان]

الاخوان الاعزاء
السلام عليكم

كم يعطون الصوامع من النخاله على من لديه 300 راس غنم
وكم يعطون على الابل ؟

ياليت الاخوان اللي راجعوا الصوامع يعطوني فكره



..

اخوي راعي الريشاء انا اسف ما قدرت ارد على الخاص نظرا لعدد مشاركاتي القليلة ...

لكن

أظنك تقصد الاخ سلطان الحربي هو صاحب الرد ؟؟

أنا ما عندي فكرة عن ما ورد في سؤالك ...........

ولا تنسانا في حال وجدت الجواب الشافي ....................................

[راعي الريشا]

معليش اخي الحبيب وأسف على الغلط بسبب الاستعجال
المقصود هو سلطان الحربي

وإنشاءالله يرد لأنه زار الصوامع وأكيد عنده الجواب الذي نبحث عنه


..

[سلطان الحربي]

السلام عليكم ورحمة الله وبركاته
اسف على التاخير في الرد والسبب فيه صيانه في الشبكه وعطلونا يومين ولكن الحمد لله انهم علجو المشكله
اخوي راعي الريشاء
عسب معلوماتي القديمه من سنه قبل الازمه
كان يعطون لكل 100 راس غنم 30 كيس نخاله
وكل مزادة 100 يزدون 30 كيس

والان مع الازمه صار يعطون 15 كيس الى 60 كيس كحد اقص
لكن الواسطه لها دور

اعلاف التسمين كان المصنع موقف سنه
ةالسعر الحالى 24 ريال كما قلى الاستعلامات و يعطون كل واحد 5 او 4 اكياس

[راعي الريشا]

وعليكم السلام اخي سلطان

الحمدلله على السلامه والله يعين على الشبكات كثرت اعطالها شيء ماهو غريب

1- طيب الابل كم يعطون عليها؟

2- ولو عندي بروة واحد من الربع هل اقدر اخذ عليها نخاله علشان ارسلها له لأنه بعيد خارج جده ؟

[badr0051]

تعريف البروه ؟

[راعي الريشا]

البروه: ورقه رسميه تحصل عليها عندما تدفع الزكاه
تنفعك في طلب عمال رعاه و عندما تبغى تشتري اعلاف

[سلطان الحربي]

ان شاء الله بكره ابي اوافيك يا راعي الريشاء على الجواب
اذا كانوا مداومين

[حااااشي]

يعطون على البروه ابو 200 راس مابين 30 و 40 كيس
اسعار البراوي 200 راس ماعز 700 ريال / ضان 200 راس 800 ريال
والبراوي مسويه مشاكل ايضاً حتى هي دخل فيها من اصحاب الغير الحلال
والله اعرف ناس مطلعين براوي ولاعندهم حلال ابداً شغلة متاجره فقط
لأن اصحاب زكاة الدخل لايسألون عند تطليع البراوي فقط رقم الحاسب وكم عدد الحلال
لأن البروه يذهبون بها الى الصوامع لأستخراج الفسح الخاص بالنخاله ومن ثم بيع هذا الفسح
مقدار كم يعطون الي عنده ابل معرفش

[سلطان الحربي]

اسف يا شباب تاخرة اليوم عليهم وجيتهم الساعة 1 الظهر وطلعو مقفلن عندهم نص دوام لكن الاحد انا بروحلهم وان شاء الله خير

[راعي الريشا]

يعطون على البروه ابو 200 راس مابين 30 و 40 كيس
اسعار البراوي 200 راس ماعز 700 ريال / ضان 200 راس 800 ريال
والبراوي مسويه مشاكل ايضاً حتى هي دخل فيها من اصحاب الغير الحلال
والله اعرف ناس مطلعين براوي ولاعندهم حلال ابداً شغلة متاجره فقط
لأن اصحاب زكاة الدخل لايسألون عند تطليع البراوي فقط رقم الحاسب وكم عدد الحلال
لأن البروه يذهبون بها الى الصوامع لأستخراج الفسح الخاص بالنخاله ومن ثم بيع هذا الفسح
مقدار كم يعطون الي عنده ابل معرفش


الله لايوفقهم
حتى في البروه اللي نطلعها بزكاة حلالنا صاروا يزاحمونا ويطلعونها بالواسطه للي
ماعنده حلال وصار لها اسعار .. والله ياناس إذا كانوا المؤتمنين على جمع الزكاه
يبيعون البروه بفلوس كيف ندفع لهم الزكاه .. الحمدلله والله اني ماعمري دفعتها لهم
لأني كنت اخذ زكاة حلالي للمحتاجين بنفسي لأني ماكنت احتاج منهم شيء
إلا بعد مأرتفع العلف قلت السنه الجايه اعطيهم زكاة حلالي علشان مثل ماحصل الان
اصير اطلب بها أعلاف من الصوامع .... الله يعين. مسكين المواطن مايدري وش يسوي
من هنا ارتفاع المواد الغذائيه له ولأسرته ومن هناك ارتفاع اعلاف الاغنام الله يستر
على البنزين لايرفعهونه هو الاخر ...............