مطلوب فحل نعيمي وتحية خاصة لراعي الدوادمي//

[أبو ســلطان]

السلام عليكم ،،

انا راعي غنم جديد :lo واعجبني منتداكم وتفاعلكم مع بعض وخاصة الاخ راعي الدوادمي بيض الله وجهك يالنشمي وأخوك من أهل الدوادمي :ds ،،،


المهم يا اخوان

انا توني جديد بقراطيسي وما اعرف احد في المنتدى وفي نفس الوقت محتاج فحل نعيمي طيب ومايكون كبير في السن ، واحد من أصدقائي أعطاني فحل جيد لكن مشكلتة ما يقرع:r مع انه وراني عيال الفحل عنده في غنمة !!!

أحتاج شوركم يالنشامى خايف اتوهق واشتري فحل مهوب جيد !!

غنمي مهيب كثيرة لاني توني شريتها ومحتاج غنم طيبه

شوركم يالطيبين

[راعي الدوادمي]

شوري عليك ...
أنك تركد ..


وإذا كان فحلك له إنتاج يعني إنه يقرع .. وعشان تتأكد أشتر دربيل صيني صغير جداً . 35 ريال , وأرقد عند غنمك كم ليلة , طبعاً في غيابك خل الفحل محبوس . لا تفكة إلا إذا كنت حاضر .

ولا تعتمد على كلام العامل .. لازم تشوف الفحل بعينك ,
وأيضاً لا تعتمد على وجود فحل واحد في الغنم حتى لو كانت قليلة العدد ولا تتجاوز العشرين .


عندي فحل ما صدقت فيه إلا لين شفته بعيني , إذا ركد الليل , وهب البراد أشتغل , وفي النهار كأنه شاه من عرض الشياه .
وكنت ناوي أبيعه ...
الأن لو يعطوني فيه وزنه شعير ما بعته هههههه

حط فحل ثاني ولو إستعارة عشان يحمسون بعضهم . ولا تهد الفحل إلا إذا كنت موجود , يعني أتركه لوحده ممكن تحط معه بهم صغار عشان يرتع شوي .
ولكن لا تفكه إلا قدام عينك .

ومعرفتي لم تتعدى النجدي , وترى النجدي الأصيل تجي لطشته باردة وكأنه ما سوى شي ..!
فإذا كان فحلك شرود أو غير متعود على رؤية العامل والناس قد يتأثر . لأنه سوف يشعر بالخوف وقد يكون داخل غنم كثيرة سابقاً ثم تغير عليه المكان وأسلوب التعامل وطبيعة الظروف .

المهم إن فحلك يقرع ولا فيه شي ولكن أتركه على راحته .. وأيضاً حاول أن تحصل على فحل أخر تحسباً لأي مشاكل لكي لا يفوت عليك هذا الشهر .
ويوجد في الصيدليات حقن منشط طبيعي للفحول , لم أعطه الفحل عندي , ولكن يبدوا أنه مفيد .. المهم لا يعدي هذا الشهر ومنتصف الشهر القادم وشويهاتك حيل .. تصرف بأي شكل . وتأكد من فحل غنمك ..

ولا تنسى إني ما أعرف شي في النعيمي وخبرتي بسيطة جداً في النجدي فقط .. لا تتعدى طرق التغذية والتسمين ومبتدئ حالياً في الإنتاج . يعني شرحك ..


ثانياً : أشتر فحل ثاني وثالث وش يردك ؟! ما تخسرك والضحية قريبة . دور رباع نشيط ولا تقول طيب وغير طيب ! إن كان غنمك عادية , وتوك شاريها .
ثم أشتر فحول طيبة مع أماتها يعني تأخذ الشاه مع ولدها لهدف تفحيله . السنة القادمة .
وهذا تلفوني 0551525541 والظاهر إني ما اعرف شي في النعيمي ولا أميل للإهتمام بها .
اعطه منشط , وأتركه فترة حتى تراه لا يعاني من الجفاف والإمساك ولا يغير مكانه ليلاً أكثر من مرة ..
يعني حتى يستقر ويمكن أن تعطيه جرعة منشط بسيطة تحرك دمه شوي . ولكن تأكد من عدم تعرضه لجفاف وأكله طبيعي .

[أبو فهد]

وعليكم السلام
حياك الله اخوي أبو ســلطان نورت المنتدى
وان شاء الله صديقك مهوب غاشك بفحل ما يقرع لكن من رايي انك تصبر عليه كم يوم لعل وعسى او يمكن ان الشياه دفيع وما طلبن الفحل لان اغلب الحلال في هذا الوقت دفيع
ويستحسن انك تجيب لك خروف جذع وتحسبة للضحية يحركة مثل ما قال اخونا راعي الدوادمي وان شاء الله بتيسر امورك

[أبو ســلطان]

شوري عليك ...
أنك تركد ..


وإذا كان فحلك له إنتاج يعني إنه يقرع .. وعشان تتأكد أشتر دربيل صيني صغير جداً . 35 ريال , وأرقد عند غنمك كم ليلة , طبعاً في غيابك خل الفحل محبوس . لا تفكة إلا إذا كنت حاضر .

ولا تعتمد على كلام العامل .. لازم تشوف الفحل بعينك ,
وأيضاً لا تعتمد على وجود فحل واحد في الغنم حتى لو كانت قليلة العدد ولا تتجاوز العشرين .


عندي فحل ما صدقت فيه إلا لين شفته بعيني , إذا ركد الليل , وهب البراد أشتغل , وفي النهار كأنه شاه من عرض الشياه .
وكنت ناوي أبيعه ...
الأن لو يعطوني فيه وزنه شعير ما بعته هههههه

حط فحل ثاني ولو إستعارة عشان يحمسون بعضهم . ولا تهد الفحل إلا إذا كنت موجود , يعني أتركه لوحده ممكن تحط معه بهم صغار عشان يرتع شوي .
ولكن لا تفكه إلا قدام عينك .

ومعرفتي لم تتعدى النجدي , وترى النجدي الأصيل تجي لطشته باردة وكأنه ما سوى شي ..!
فإذا كان فحلك شرود أو غير متعود على رؤية العامل والناس قد يتأثر . لأنه سوف يشعر بالخوف وقد يكون داخل غنم كثيرة سابقاً ثم تغير عليه المكان وأسلوب التعامل وطبيعة الظروف .

المهم إن فحلك يقرع ولا فيه شي ولكن أتركه على راحته .. وأيضاً حاول أن تحصل على فحل أخر تحسباً لأي مشاكل لكي لا يفوت عليك هذا الشهر .
ويوجد في الصيدليات حقن منشط طبيعي للفحول , لم أعطه الفحل عندي , ولكن يبدوا أنه مفيد .. المهم لا يعدي هذا الشهر ومنتصف الشهر القادم وشويهاتك حيل .. تصرف بأي شكل . وتأكد من فحل غنمك ..

ولا تنسى إني ما أعرف شي في النعيمي وخبرتي بسيطة جداً في النجدي فقط .. لا تتعدى طرق التغذية والتسمين ومبتدئ حالياً في الإنتاج . يعني شرحك ..


ثانياً : أشتر فحل ثاني وثالث وش يردك ؟! ما تخسرك والضحية قريبة . دور رباع نشيط ولا تقول طيب وغير طيب ! إن كان غنمك عادية , وتوك شاريها .
ثم أشتر فحول طيبة مع أماتها يعني تأخذ الشاه مع ولدها لهدف تفحيله . السنة القادمة .
وهذا تلفوني 0551525541 والظاهر إني ما اعرف شي في النعيمي ولا أميل للإهتمام بها .
اعطه منشط , وأتركه فترة حتى تراه لا يعاني من الجفاف والإمساك ولا يغير مكانه ليلاً أكثر من مرة ..
يعني حتى يستقر ويمكن أن تعطيه جرعة منشط بسيطة تحرك دمه شوي . ولكن تأكد من عدم تعرضه لجفاف وأكله طبيعي .

===
بارك الله فيك اخوي على هذا الرد الوافي ،،
أخوي الفحل بصراحة معجبني كشكل ولا ودي أفرط فيه ولكن الي محيرني انه لما يحاول يقرع الشاه ما ينسف وبمعنى صحيح ما يقدر ينسف ذنبة الشاه
سئلت ناس كثير قالوا لي يمكن يكون عيب في الفحل ويمكن بسبب الشاه اذا كانت سمينه وانا ارجح الاحتمال الثاني لان غنمي سمينه بالحيل ،،،
فما هو الحل في هذه الحالة ؟؟؟
صاحب الفحل الي اخذته منه يقول له انتاج عنده ووراني عيال الفحل لما جيت اشيله من غنمة والرجال صادق شرواك انا اعرفه زين تمام المعرفة ،،،،،،،،

وبالنسبة للمنشطات ما ودي اعطيه خاصة اني احتمال كبير ارجعة لصاحبة اذا استمر على هالحال ......

[أبو ســلطان]

وعليكم السلام
حياك الله اخوي أبو ســلطان نورت المنتدى
وان شاء الله صديقك مهوب غاشك بفحل ما يقرع لكن من رايي انك تصبر عليه كم يوم لعل وعسى او يمكن ان الشياه دفيع وما طلبن الفحل لان اغلب الحلال في هذا الوقت دفيع
ويستحسن انك تجيب لك خروف جذع وتحسبة للضحية يحركة مثل ما قال اخونا راعي الدوادمي وان شاء الله بتيسر امورك


اخوي ابو فهد

بعض الشياه تطلب الفحل وهي ولّيد ما بين شهر رجب وشعبان الماضي يعني عيالها عمارهن شهرين وشهر ونصف تقريبا
وبعضها بصراحة ما ادري هل هي دفيع ام لا ولكن ما تقرب الفحل والله العالم انها دفيع لاني توني اشتريت الغنم من ثلاثة شهور تقريبا ،،

وعيب النعيميه انك ما تعرف ان كانت دافع او لا الا لما تقرب الولادة وينزل ثديها مهي مثل النجديه

[فؤاد]

يابوسلطان أتوقع إن شور راعي الدوادمي زين .. وبعدين تراه خبره .. ونصيحته تنشرى .

[راعي الدوادمي]

لا توهق عمرك بكلامي .. ترى ما أني خبير .. وإذا كنت متأكد من شغلة أقولها بتأكيد .. وإذا كنت متردد تشوف في كلامي إحتمالات .


ياخوي .. أنت لو تروح تخطب من أحد ,, فيه يسألك أنت ( ... ) أو لا !! ؟


يعني الظاهر إن الصحة عال العال والمنظر عال العال .. وكذا الخرفان والدببة والخنافس والقطاوة والبعارين والأسماك وكل الحيوانات .

السؤال يتركز في مانع الإتصال ماهو ؟! فلماذا نلقي اللوم على الخروف مباشرة ؟! .

وحسب ما أسمع إن الغنم النعيمي رؤوفة وتحن ويجيها مثل الخلاج اللي يجي الإبل ... بعكس النجدي !! يمكن متأثر بسبب خروجه من أمهاته ؟!

أذكر النعيمي بعضهن يموت إذا فرقتهن من بعض !! .

قلتك راقب الخروف جيداً .. لاتفكه إلا قدام عينك ..
وبخصوص السمنة .. في إستراليا ونيوزلدا وأكثر الدول التي تربي الأغنام بكميات تجارية , يقومون بقطع إليه الرخلة بعد الولادة بأيام .. لكي تحمل بسرعة .. وهذا يثير جماعات حقوق الحيوان .

ومعروف إن الشاه السمينة ما تلقح ..
وإحمد ربك عندك شياه سمان .. أجلدها في الضحية وحط لك عنيمات حالها مشي حالك .. تصرف وفبرك مشروعك وطلع لك مكسب ..
إلا إذا كنت ناوي تصور جنبيها .. لو إنها إبل أو خيل .. تراها شاه فكر بقيمتها في السوق قبل كل شي .
خل تفكيرك يتجه لتحقيق أكثر مكسب بأقل تكلفة ..
طيب إذا عندك خروف مرتبك شوي والغنم سمان والضحية قريبة والمقاني رخيصة وبقيمة ذبيحة تشتري نتوج ؟! .. أقلب المعادلة بطريقة لا يعرفها سواك لكي تستفيد من غنمك .. !!
هاوي تربي .. بيع حايل وأشتر مطفل .. وأختصر عليك الوقت . مخمخ في السوق وأتعب . عشان تكسب .

[راعي نعيمي]

السلام عليكم
اغلب الغنم في هذا الوقت مضاريع ولكن فحلك حطه مع غنم مصاغير يعني عيالها مابلغوا شهرين وشف الفحل هل يحم هذا اذا كانت الغنم محنيه (يعني طالبه الفحل ) وبعدين الغنم السمينه جداً يصعب على الفحل نسف الذنبه ولكنه يحاول ولايمل الفحل الطيب واصبر عليه شوي يجوز غنمك مضاريع

[ابو سعود]

اخوي السلام عليكم
بالنسبة للفحول فيه درجات من حيث النسف
فيه فحل ينسف الليه مهما كان سمنها وهي قليلة واهلها من الصعب جداً يفرطون فيها
وفيه فحول تنسف ولكن اذا زاد حجم اللية ما يقدر

ونصيحتي لك حالياً إذا كنت تبي تربي الغنم وتجنيها
اولاً
جب لك فحول مشروطة على أقل تقدير 2 حتى على 20 راس ونفسها على 50 نفس الشي المية 3 فحول ( عمرك لا تعتمد على فحل واحد واللي يحاول اكثر من 5 مرات ولا يقرع لا يهمك )
ثانياً
إذا غنمك سمينة بعها وجب لك بسعرها غنم اضعف واكثر بنفس القيمة كسباً للوقت والعدد
ثالثاً
اعزل الامهات عن البهم ( اللي عمره اكثر من شهر ونص ) لأن الشاة اللي معها ولدها نادراً تطلب الفحل

[محب الحلال]

ياخوي إذا أنت من الخرج أو حدودها عندي لك فحل خصم وسعره فيه ومن حلال مربي معروف
إذا ودك حط رقم جوالك وتزوني بالمزرعه وتشوفه وعلمك من وين هو أو أرسله لك وسائط بس الشوف على الطبيعه أحسن فض نفسك عصريه والله يحييك

[أبو ســلطان]

ياخوي إذا أنت من الخرج أو حدودها عندي لك فحل خصم وسعره فيه ومن حلال مربي معروف
إذا ودك حط رقم جوالك وتزوني بالمزرعه وتشوفه وعلمك من وين هو أو أرسله لك وسائط بس الشوف على الطبيعه أحسن فض نفسك عصريه والله يحييك


أخوي أذا تقدر تحط صورة الفحل حتى أشوفة مبدئياً ..

انا من الرياض ولكن والله يخوك الوقت ما يساعد لاني أخرج من الدوام الساعة 3.50 وصعب اجي الخرج الا يوم خميس أو جمعة ....

أتمنى تعرض لنا صورة الفحل والسومة أن كان قد أنسام منك .................................

[محب الحلال]

والله ما أعرف أنزل الصور ولاكن الله يحيك يوم الخميس وهذا جوالي 0505264212
ونصيحه لا تشتري الا على الشوف

[بو عابد]

اخوي صاحب الموضوع

مدام ان الطلي له انتاج معناته يقرع ...؟ ليش مستعجل


انا شريت طلي بـ 1200 دينار
والله يوم هديته بالغنم مغير يمشي ويدوج معاهم كنه شاه
قلت لابالله دفعت فلوسي بطلي ما يقرع ..؟؟
ومع الايام والاشهر .. كل الغنم ولدت منه
الخبيث طلع يقرع ومحد يدري عنه
واكثر ما يقرع بالليل مع البراد


معنى كلامي مدام الطلي له انتاج معناته يقرع
وعليك بالصبر يالغالي


اخوك بو عابد