من يدلني على تاجر في الحفر والا قريب من الدمام

[daily]

السلاااام عليكم
من يدلني على تاجر في الحفر والا قريب من الدمام
ويكون عنده نعيمي طيب ومضمون ورخيص
ولكم الشكر

[تمام]

اخي الكريم
يجب وضع وسيلة الاتصال حتى لايتم حذف الموضوع

[العصيمي]

انا اعلمك في الحفر التجار واجد
اللي تبي منهم سوري والا بلدي
ان بغيت سوري رح لابومحمود تاجر سوري انشد عنه وان بغيت بعد عندك الشامي تراهم سمحين وطيبين
البلدي وانا اخوك تلقاه مالي الشبوك مايحتاج تعرف تجار رح وسم مع الناس واشتر
الدمام فيه تاجر اسمه ابو منصور تراه اخر السوق حوشه ابو منصور العنزي انشد عنه وبيعلمك اي رشيدي بالسوق


بس انت ماقلت وش نيتك وش له تسال

[daily]

شكر ا العصيمي
النيه تجاره وانا اخوك طقطقه يعني
بس انا ابي نعيمي بلدي مهو سوري مع العلم اني اسمع انه السوري افضل لانه
ياكل طبيعه بس وانا اخوك ربعك يبون كيماوي
بس ماقلتلي هل هذولي تجار جمله يعني الواحد ياخذ منهم ويسترزق والاايش

0509967919

[ابــو مــحــمــد]

يا ديلي الامر سهل

انت في الدمام ليش ماتمر بالاول على البدوان الي حواليكم
الحبل مليان اغنام مر على اهل المراح وحتى لو لقيت الراعي خذ
رقم معزبه وكلمه اذا عنده شي للبيع بيقول لك وبيتفاصل معك على الاسعار
هي جوله للتمشيه وللمعرفه ولطلب الرزق

من ناحيتي افظل لك انك تمشي على هذي الطريقه
خاصه الان الاعلاف مرتفعه والكل يبي يعلف حلاله ويبي فلوس بدل الطليان
علشان يعلف اماتها

والرزق على الله

[daily]

دلني وان اخوك وين البدوان وبعدين وشي الحبل ترى مافهمت

[بن راجح]

فيه بسوق الدمام تجار وشريطيه واجد بس من الحفر احسن لك اذا بتبيع بالدمام والبران مليانه والحبل منطقة تحصل فيها واجد تدخل عليها من مدخل الحاره على طريق الرياض بعد مركز الفردانيه ب9 كيلو او كبريين والا ادخل من ملف جوده كأنك بتروح للنعيريه الهجر واجد والغنم واجد هناك
وفيه شرقي مطار الملك فهد كأنك متجه للمطار وانت داخل من كبري ابو حدريه بعد ماتعدى نقطة التفتيش يجيك رادار كأنه خزان كبير لف عليه وادخل وراه في صنادق واجد هناك وفيه اهل غنم وشريطيه وكلهم فيه الخير مابي اخص احد منهم بس انتبه من السودانين ترا بعضهم يسرق ويبيع

والله يكتب لك الي فيه الخير

[ابــو مــحــمــد]

ابن راجح كفاء ووفاء اذا عندك موتر فورويل ها الاسبوع خذلك تمشيه في البر ومر على كل مراح تشوفه وان شالله تحصل مرادك
لكن في الحبل اهل الحلال واجد

[مغامر]

شنو طلبك تبي ذبايح ولا مقنوي ولا ضحايا

انا عندي حوالي 80 جذعه تصلح ضحايا للي يبي يتربح ومكانها حول السفانيه جنوب الخفجي 60 كيلو تقريبا

[البيضاني]

ياخوان كم اسعار النعيمي السوري في الشرقية

[تركي211]

مساك الله بالخير
اذا تبى نعيم عندي بس انا في الرياض وللاستفسار راسلني على turki211@gmail.com
الله يرزقنا وياك