هذا العلف لأهل الخرج والرياض فقط وإلا .........

[ebra]

يا جماعه ليه الشكوى من الشعير و أسعاره عليكم بالبدائل مثل العلف اللي تكلم عنه الأخ محمد الحربي في موضوعه "عاجل" و قلتلكم بأني أخذت منه و جربته و اللي هو عباره عن نوى و تمر و برسيم كويس وسعره مناسب النفيع آلحين ب 20 ريال أقل شي معبأ في كيس دقيق وزنه يمكن 30 كيلو و لبنة البرسيم ب 16 ريال يعني ليصار هذا ب26 ريال وعبوة الشعير اصرف و الفصم حتى الأولين يعرفون فايدته للغنم و الأبل بالذات بس مشكلته أن كميته قليله و لا يوصلون إلا للرياض .
هذا رايي و بالتوفيق للجميع.

[نياف]

حياك الله أخوي

أنا بالرياض

بصراحة هذا العلف ليس بديل عن الشعير أبدا خاصة لمن عنده بهم أو غنم للذبح

الشعير يسمن الحلال ويزين اللحم

أما التمر صدقني يسود اللحم ولا يقوم مقام الشعير

والله المستعان

[ebra]

خوفتني ياشيخ و اتصلت براعي العلف و قلت له كلامك و قالي إن عنده أبحاث كثيره على علفه "الفصم" و عطاني رابط لبعض الدراسات على هالموضوع منها دراسه سعوديه لوزارة الزراعه ومدينه الملك عبدالعزيز للعلوم والتقنيه بواسطه الباحث صلال المطيري:
http://pr.sv.net/SVW/2005/December/page066.htm
وبعد دراسه مصريه في موقع البيطره العربيه:
http://www.arabvet.com/modules/mysections/article.php?lid=590

وعموما هذا رقم راعي العلف وخذ من لسانه احسن: 0505109744

أما قصه إن التمر يسود اللحم فهذي سمعت بها بس ترى العلف مهوب كله تمر فيه فصم و برسيم وبعد سمعت إنه يزين طعم الحليب.
و بالتوفيق للجميع.

[بلدي]

حبايبي الغالين

الفصم قاسي .. صح؟

طيب هل معدة الخروف (تهضمه) أو تأكله فصم وتطلعه فصم. من دون هضم وتحليل.

والله ع كلام الشيبان الغالين ما منه نفع يدخل ويطلع هو هو .

إذا الكلام ع البرسيم فالحمدلله البرسيم متوفر

والتمر أيضاً متوفر في سوق التمور برياض الكرتون بـ 5 ريال

أخوي نياف التمر زين بحدود يعني مرهـ أو مرتين بالكثير في الأسبوع (ع كلام الشيبان)

واللـــــــــــــه محتار ..

بس هونت عن مشتراهـ خوف من أن الغنم ما تتقبله أو تتقبله ببطئ وما بقي شي العيد ..

[تمام]

بالنسبه لنوى التمر فهو نافع جداً
وطريقته سهله وهي تنقيعه بالماء لعدة ايام حتى تلين ويسهل هضمها
واشتريت منه الطن بـ 250 ريال يعني اقسمها على 20 كيس سعة الكيس 50 كيلو يطلع عليك الكيس بـ 12.5 ريال
وبالغالب يكون معه شوي تمر وهو متوفر والحمد لله
لكن يحتاج تدرج لاعطاءه الحلال

[نياف]

خوفتني ياشيخ و اتصلت براعي العلف و قلت له كلامك و قالي إن عنده أبحاث كثيره على علفه "الفصم" و عطاني رابط لبعض الدراسات على هالموضوع منها دراسه سعوديه لوزارة الزراعه ومدينه الملك عبدالعزيز للعلوم والتقنيه بواسطه الباحث صلال المطيري:
http://pr.sv.net/SVW/2005/December/page066.htm
وبعد دراسه مصريه في موقع البيطره العربيه:
http://www.arabvet.com/modules/mysections/article.php?lid=590

وعموما هذا رقم راعي العلف وخذ من لسانه احسن: 0505109744

أما قصه إن التمر يسود اللحم فهذي سمعت بها بس ترى العلف مهوب كله تمر فيه فصم و برسيم وبعد سمعت إنه يزين طعم الحليب.
و بالتوفيق للجميع.

حياك الله أخي الغالي

أنا ماأدري عن الدراسات والأبحاث وإن شاء الله أنهم صادقين

ولكن أنا أتكلم عن خبرة

من عنده بهم وغنم للذبح

ماينفع ويبيض الوجه إلا الشعير مع البرسيم

خدها من أخ يحب لك الخير

أما من كان عنده تربية وأنتاج هذا شيء ثاني

بالتوفيق

[بلدي]

بالنسبه لنوى التمر فهو نافع جداً
وطريقته سهله وهي تنقيعه بالماء لعدة ايام حتى تلين ويسهل هضمها
واشتريت منه الطن بـ 250 ريال يعني اقسمها على 20 كيس سعة الكيس 50 كيلو يطلع عليك الكيس بـ 12.5 ريال
وبالغالب يكون معه شوي تمر وهو متوفر والحمد لله
لكن يحتاج تدرج لاعطاءه الحلال


هلا بك تمام ..

..وش المنتدى بدون تمام ..ولايهون بقية المشرفين والأعضاء

أخوي تمام عندي بعض الاستفسارات ياليتك تجاوب عليها بصدرك الرحب:

وش الأفضل النوى المجروش أو الكامل.

ثانياً: كم الكمية الي تحط للغنم (100رأس).

ثالثاً: هل فائدته للتسمين السريع.؟ أو مجرد بدائل عن الغلا.؟

رابعاً بالنسبة للتمر يقولون الشيبان أنه يسود اللحم.؟؟ والي أعرفه أن التمر مرهـ في الأسبوع يكثر اللحم.؟؟

انتظركم يالغالين

[بلدي]

ماينفع ويبيض الوجه إلا الشعير مع البرسيم

خدها من أخ يحب لك الخير



كلامك صادق ..

بس هل جربت مكعبات اراسكو ؟؟ يقولن أوفر في التسمين؟؟؟؟

[نياف]

كلامك صادق ..

بس هل جربت مكعبات اراسكو ؟؟ يقولن أوفر في التسمين؟؟؟؟

حياك الله أخي بلدي

مكعبات اراسكو تسمن الحلال لكن طعم اللحم مهوب مثل إلي يعطيها شعير وبرسيم

بالتوفيق ياغالي

[ebra]

يا حبايب :
الفصم المجروش مكسوره نواته الداخليه البيضاء وهي اللي تتخمر و تنهضم في كرش البهيمه و اللي كان الشيبان يسوونه إنهم يخمرون الفصم عشان القشره الخارجيه الصلبه للفصم تتحلل قبل ما ياكله الحيوان .
وبعدين الأكيد إن سعر كيس الفصم بتلقاه أقل بكثير اللي يقولون عليه لكن تراه مستحيل تاكله البهايم ساده لازم تخلطه مع شي ثاني مثل الشعير أو الذره أو البرسيم فإذا كان الكيس فيه 30% برسيم يعني 15 كيلو برسيم فهاذا سعره أقل شي 12 ريال حطها فوق قيمة الفصم الباقي 35 كيلو يطلع بعد توفيره لك وجرشه أحسن من مشتراه على حاله و تورط بجرشه و خلطه و اعتقد إن الدراسات مصادرها معقوله وفيها عملية تعليف يوميه و لمدة 6 شهور و تجارب مقارنه بالشعير والذره وحتى التمر اللي من غير فصم و النتيجة إن ما فيه فرق بينها و حسب إطلاعي وجدت إن الفصم ينفع الماشيه أكثر من الإنسان بينما التمر العكس و اعتقد ان الفصم يبني شحم أكثر من الشعير بينما الشعير يبني لحم أكثر بسبب الدهون الإكثر في الفصم من الشعير هذا مجرد إعتقاد شخصي فقط لأني بصراحه مبسوط منه و لاقيه ماشي معي.
وبالتوفيق للجميع.

[راعي الحلال]

يقال ان التمر حااااااااااااااااااااااااااااااااااار ولا يصلح الى وقت البر ولا يكثر منه