زواجي بعد ايام وش غنم الذبح المناسبة؟؟

[اخو مزنة]

عندي زواج بعد ايام واحترت وش اذبح خاصة وانا قليل الخبرة . ابشتري نجد لكن وش العمر المناسب الرباع والا السديس ؟ وكم اسعار الغنم اللي تصلح ؟ عقبال زواجكم ، عجلوا علي بالشور ياهل الشور والعرف .

[لؤلؤة الاعماق]

http://www.asmilies.com/smiliespic/3dsmilies/36_3_11[1].gif
اجمل التهاني والتبريكات ....نقدمها لك من منتدانا .....ومنك المال ومنها العيال....جعل زواجك ...زواج ميمونا...وبالمبارك يا معرسنا .....

[الخلاوي]

الف الف الف مبروك
الله يجعل فالك الخير والسعادة

اما عن الذبائح لاتكون كبيرة العمر لان الباقى
يعتمد على الطباخ من حيث جودة الاكل

الله يوفقك

[ابوهند]

الف الف مبروك ياخو مزنه

النعيم افضل شي ويكون عمره من ثنيان الى ربعان

وعلى قول اخوي الخلاوي اهم شي الطباخ


الف الف مبروك زواج سعيد باذن الله

[بن راجح]

الله يبارك لك ويجمع بينكم على الخير

وعليك بالنعيمي الجزل

[تمام]

حياك الله يالغالي وشرفنا تسجيلك
قلنا وين مكانك والباقي يفيدونك فيه الشباب
اما رقم راعي حلال معروف او مكانه او اسمه اذا ما كان واحد منهم

بارك الله لك وبارك عليك وحمع بينكما بخير

[بي52]

الف مبروك والله يجمع مابينكم على خير
عليك بالنجد
والأفضل السن من 10 شهور الى سنه

[اخو مزنة]

الله يبارك بكل واحد فيكم ، والعقبى لديكم بالمسرات ، حقيقة تفاعلكم أخجلني شكرا لتوجيهاتكم وإن شاء الله نظل في هالمنتدى ونقدم شيئا .

[أبو فهد]

مبروك والله يجمع بينكم على الخير

[بوحمد]

ياخو مزنه
(بارك الله لك وبارك عليك وجمع بينكما في خير)

[راعي الحلال]

شوري عليك واذا تبي تواجه الرجال اكرش مخابيك وعليك بالهرافي النعيمي ولا تعداها
ومبروك مقدما

[اخو مزنة]

أبو فهد ، بو حمد، راعي الحلال الله يبارك فيكم جميعا وعقبالكم اشكرك على النصيحة ياراعي الحلال
الأخ تمام ، بالنسبة لي انا من القصيم واشكرك على شعورك الطيب الله يوفقك .

[تمام]

اخوي بالنسبه للقصيم
هل انت من عنيزه او بريده او ...
نبي والله نساعدك ندلك على راعي حلال معروف عشان مايغشك ويراعيك

[بن عريفج]

ماشاء الله الله يوفقك لكن يقول اللحم في الابل والمطاريس بالغنم خذ لك حاشي أحسن لك

[اخو مزنة]

اخوي تمام اذا كنت تعرف احد بعنيزة بالرس ببريدة في هالدائرة كلها قريبة واشكرك ثانية على شعورك وتواصلك الله يبقيك ذخر
بن عريفج بارك الله فيك والبل والغنم كلها عطايا الله بس انا من هواة لحم الغنم من غير قصوربالحاشي تحياتي

[alqroni]

بارك الله لك وعليك وجمع بينكما في خير

[الهمام]

اجمل التهاني والتبريكات ....نقدمها لك من منتدانا .....ومنك المال ومنها العيال....جعل زواجك ...زواج ميمونا...وبالمبارك يا معرسنا .....

[majed2]

مبروك والله يجمع بينكم على الخير

:m

:m

[أحلى غنمة]

مبرووووووك يا خويي


عقبال الشباب الموجودين بالمنتدى


يا الله حيهم:q

[ksa77]

مبروك وعقبال المتزوجين يعددون (خايف احد يشوفني وانا اكتب :f )
واذا بغيت الشور وانا سويته قبل اسبوعين لزواج احد الاخوان
مثل ماقال بن عريفج عز الله انه نصح لك غير الحاشي لاتدور اجمل وافضل واوفر واريح لك بس الله الله بالطيب من 3500 الى 4000 ريال والناس اذا دخلت على العشاء تدور لحمة الحاشي والا انا غلطان

[حبيب الحري]

السلام عليكم لا والله انصحك بلغنم الحريه والله الذ وطعم ورخيصه الثمن وذا تبي انا تحت الطلب وجرب وشوف

[الواسطة]

الف الف مبروك والله يجمع بينكم على خير والبركة
عليك بالنجدي فقط

[اخو مزنة]

الله يبارك فيكم جميعا وابشركم اعرسنا وامورنا تمام ويسر الله الامور وذبحنا اللي جملنا وهذا بفضل الله ثم نصايحكم والمعذرة على التاخير لأني طبعا مشغول مع المدام بالسفر والوناسة ( اثر الزواج زين ليتنا مبكرين )!!

[فهدعبدالرحمن]

مبروك والله يرزقك المال والبنون

[نعناع بري]

السلام عليكم لا والله انصحك بلغنم الحريه والله الذ وطعم ورخيصه الثمن وذا تبي انا تحت الطلب وجرب وشوف

اذا ما عليك امر ممكن تقولي انت من وين وكيف ممكن احصل الحري

[الوسام]

اخوي نعناع بري ..ممكن تبحث وتطلب في منتدى البيع و الشراء ...

>> واظن ان الموضوع هنا استكمل >> والله يوفق اخونا في الدنيا و الاخرة

.... تم اقفال الموضوع ....