افضل حل عشان ناخذ النعيمي الطيب ب600ريال

[خيالي]

بصرحة يا اخوا ن ملينا من الحوم المستورده الواحد يا كلها كنه يا كله لستك :D بس وش نسوي الواحد عشا ن ياكله لحم طيب لازم يدفع حدود 1200 ريال:eek: عشا ن يا خذله نعيمي ولا هرفي ويعتبر السعر هذا غالي لانه بربع قيمته احصل على ضعف الكمية من الحوم المستورده مالكم بطويله الحل عندي عشا ن تجار الاغنام ينزلون من الاسعار هو رفع سعر الاعلاف عشا ن يبطلون حركاتهم

يعني لو سعر البرسيم ب35 وسعر التبن 20 كا ن تشوفون الربع بطلو تخزين وقامو على طول يبيعون على موزعين الاغنام وعلى راعين المزارع بسعار اقل ب50% من اسعارها الا ن و الكل بيستفد وبنرجع مره ثايه لايام العز نشتري الحم من سوق الغتم :) ما نشتريه من جيان ولا من ينده ولامن المقاصب حقت الشميسي الي تبيع الحم الباكستاني:( وسلامتكم

[a3m2]

اشكرك اخوي على الحل

بس انت نظرت لها من جانب انه لو ارتفع السعر البرسيم قل سعر الذبايح

لكن اخوي إذا ارتفع السعر الناس راح تسيب التربيه وبعدها بكم سنه راح تكون انت مجبور على الاستيراد من الخارج مو زي الحين انت مخير بين حلال الديره ولا بين المستورد

قبل كم سنه كان شعر البرسيم لا يتجاوز 10 ريال وصل في بداية السنه الحاليه إلى 21 ريال
وكان سعر الشعير ب 4 ريال وبعدين اخذ كم سنه بـ 17 ريال والحين 26 ريال

لو حسبتها تلاقي 100 راس تربيه تاكل حوال 35 ألف في السنه الواحده بس برسيم وشعير وتظيف عليها 20 الف مصاريف علاج وماء وعامل يعني ببتصرف حوالي 55 الف وبعدين كم بتنتج وغير تعب صاحب الحلال مين يعوضه




أخوي أنت تفكر رفع الاسعار سببه التربيه

إخوي رفع الاسعار سببه التجار وليس التربيه

أنت روح شوف حراج السوق تلاقي في الحراج سعر النعيمي في هذه الايام لا يتجاوز 650 ريال حراج

والهرفي من 350 إلى 450 ونفس الوقت شوف التجزئه بكم تحصل أبو 650 بـ 1000 أو 900
وأبو 350 بـ 700

أخوي انا اشوف في سوق المدينه ينباع الحري حراج على 550 من المربي وبعدها يبيعه المشترى على 900 ريال في نفس الوقت



آسف أخوي على الأطاله

[أبو فهد]

اشكرك اخوي على الحل

بس انت نظرت لها من جانب انه لو ارتفع السعر البرسيم قل سعر الذبايح

لكن اخوي إذا ارتفع السعر الناس راح تسيب التربيه وبعدها بكم سنه راح تكون انت مجبور على الاستيراد من الخارج مو زي الحين انت مخير بين حلال الديره ولا بين المستورد

قبل كم سنه كان شعر البرسيم لا يتجاوز 10 ريال وصل في بداية السنه الحاليه إلى 21 ريال
وكان سعر الشعير ب 4 ريال وبعدين اخذ كم سنه بـ 17 ريال والحين 26 ريال

لو حسبتها تلاقي 100 راس تربيه تاكل حوال 35 ألف في السنه الواحده بس برسيم وشعير وتظيف عليها 20 الف مصاريف علاج وماء وعامل يعني ببتصرف حوالي 55 الف وبعدين كم بتنتج وغير تعب صاحب الحلال مين يعوضه




أخوي أنت تفكر رفع الاسعار سببه التربيه

إخوي رفع الاسعار سببه التجار وليس التربيه

أنت روح شوف حراج السوق تلاقي في الحراج سعر النعيمي في هذه الايام لا يتجاوز 650 ريال حراج

والهرفي من 350 إلى 450 ونفس الوقت شوف التجزئه بكم تحصل أبو 650 بـ 1000 أو 900
وأبو 350 بـ 700

أخوي انا اشوف في سوق المدينه ينباع الحري حراج على 550 من المربي وبعدها يبيعه المشترى على 900 ريال في نفس الوقت



آسف أخوي على الأطاله

كلامك عين العقل

[راعي الدوادمي]

الأسعار .. متوازنة ..
وطبيعية الآن .. والسوق غلاب الغشيم ..
ولا تقارن بالتجزئة ...
يعني أنت لو تاقف من الساعة 5 الصبح , إلى 11,30 الظهر , راح تعرف مقدار الجهد المبذول .. وخصوصاً من البائع السعودي . وهذا لها تقدير أدبي لا يدركه بعض ضعاف التقدير _ البعيدين من المنتدى _
وفي الجمله يوجد تفاوت محسوب بدقة ..
وسوف أتكلم عن تجارب :
تشتري عشرة خرفان , من 520 , مزاد , بخمسة ألاف وميتين ريال , تبيع اثنين 750 , وهذا أعلى سعر يمكن أن يصل إليه الخروف الناهي وفي حالات خاصة يصل 800 .
صار عندك 1500 ريال .
وأثنين على 700 صار عندك 2900 ريال .
وأثنين على 650 , صار عندك 4200 ,

قيمة ستة خرفان ..
ويبقى أربعة ( حشوة ) .. تبيع أثنين على 450 يطلع معك 5100 .
وأثنين لو على 400 يطلع مكسبك 700 ريال .. مع إحتمال أن يطيح في حلقك أثنين على الأقل ... وصبها إحقنها تطلع ما تجيب همها .
ودائماً يكون البيع للشريطي التفريد .. ولازم تبيع أعلى منه بمئة ريال على الأقل عشان يثق فيك ,, وتترك له مكسب خمسين ... بوصفك موزع البضاعة من الفجر ..


وفي حالات بيع الجملة في مستوى واحد , ووزن واحد , ومواصفات موحدة ... فإن المكسب تفريد لا يتجاوز في كل التقديرات خمسين ريال .. ما تجي ثمن الوقفة طول النهار ,,, عشان تبيع أثنين أو ثلاثة ..

لا يغرك بيع الجملة ... خطير جداً ..

بعدين أنت زبون .. روح للسوق وشف لك سعودي حقيقي ,,, وقله معي 500 ريال وعطني ذبيحة .. وبيطلع لك وحدة ورى الثانية لين تطيح على اللي يعجبك ..
ومعليك منهم لو يرفعون السعر .. هذولا ربي ماحق حالهم وحلالاهم جهلة ولا يفرقون بين الغش والشطارة ينقصهم تعليم وإرشاد ..

[a3m2]

جهد البايع مايجي شي جنب جهد المربي

[راعي الحلال]

بفكرتك اخوى الخسان الوحيد هم المربين الصغار وليس المربين الكبار
اما المربين الكبار واصحاب الحضائر البيع فهم الحلال يدور عنهم ولا يجلس مده طويله اي لا يخسر عليه
لكن انا عنيلك حل اذا انت مستغلي النعيمي ام النجدي
من ناحيه الطليان يوجد الأسترالي على 500 تقريبا والرومتني 530 ريال
ومن ناحية اخرى عندك البرابر والتيوس كلها رخيصه
حط حيلك بها

[راعي الحلال]

الوماني = شبيه الأسترالي ولا يفرقه الى بشيء بسيط وقد يكون وجود الذنب للروماني

[راعي الحلال]

الروماني


الأخطاء الأملائيه مدهره معي ؟

[بي52]

يخوي اطلق طلي ب800 ريال متا رحت وشريت
بعيد الضحيه

[صالح الاحمد]

لو أرتفعت زود الاعلاف ترك المربي التربية والانتاج

وعلى فكرة يالغالي الشغلة ما تسوى تعبها بهالوقت مع الارتفاع الغير مبرر لإسعار الاعلاف

وليتك تغوص في بحر الانتاج والتربية لترى مدى صحة كلام الاخوة هنا

[راعي جو]

أخي العزيز أذا كنت تعتقد أنا من مصلحت مربي الحلال أرتفاع سعر الغنم فأنت واهم من الطراز الأول.

شكراً

[ابو سعود]

جميع كلام الأخوان صحيح 100 %
واعطيك مثال عندي 100 راس شياه
أعطيهن في اليوم كيسين شعير بسعر 80 ريال
وأعطيهن ربطتين تبن 20 ريال وربطة برسيم 15 ريال
المجموع 115 ريال في اليوم الواحد يعني في الشهر 115 × 30 = 3450 ريال
اذا حطيت قيمت الماء 500 ريال وقيمة الراعي 1000 ريال فقط
يكون المجموع هــــو 4950 ريال في الشهر
ولم تحسب قيمة العلاجات ولا التطعيمات ولا قيمة الموت ولا قمة الغنم اللي ماتسمن
فيكون مصروفك على أقل تقدير 6000 ريال بالشهر
ولنفرض ان الغنم ولدت وجابت 100 راس ( لم نحسب أي نعجة طرحت أو هرفي مات بعد الولادة )
يكون
خسرت على الغنم حتى تبيعها 7 أشهر × 6000 ريال = 42000 ريال
وبعت الهرفي على 450 ريال يعني 45000 ريال يعني ربحان 3000 ريال
بالله عليك في رأيك وفي رأي الجميع
هل يساوي تعب 7 أشهر ان تربح 3000 ريال ولو اصاب الغنم اي مرض لخسرت اضعاف هذا المبلغ