افيدوني مشكورين

[راعي نظر99]

السلام عليكم ورحمة الله وبركاته

افيدوني مشكورين هل تطعيم وزارة الزراعه ضد الحمى المالطيه يصعد في الغنم او لا

[راعي الحرش]

نعم تخرج بالاخص فى الشهور الاولى

[راعي نظر99]

مشكور على تفاعلك يا راعى الحرش

[بن جاهم]

احد الاطباء يقول غير كذا

هل هذا الكلام صحيح انه لو اعطي تطعيمة المالطية للغنم تسقط بالمضاريع منها ام لا ؟

انتظر الرد

تحياتي

[أبو ســلطان]

والله أنا رحت مرة لفرع الزراعة علشان اطلب منهم تطعيم المالطية وسألوني هل الغنم فيها دفيع قلت نعم قالوا خلاص توكل على الله وراجعنا بعد ما تنتهي الولادات عندك لان التطعيم راح يسقط الدفيع ,,

قلت جزاكم الله خير ومن بعد هذيك المرة صرفت النظر عن هالتطعيم والحامي الله سبحانه

[بن جاهم]

طيب يا اخوان وش البديل من الطب الشعبي اللي بإذن الله ما يصعد الغنم المضاريع

ويصلح لها مناعه بفضل الله

ارجوا ان نحصل على الاجابة

تحياتي

بن جاهم

[راعي العارضيات]

اخوي انا سالت البيطري الي في الزراعة قال الدفيع في الشهر الثالث والرابع والخامس تصعد اما الي في البداية ماتصعد وطعمت الغنم والحمدلله مااصعد شي لي اسبوعين من يوم طعمت الغنم

[mohd00026]

يا أخوان بارك الله فيكم حسب معلوماتي المتواضعة :

لا تطعم على كيفك بالنسبة للمالطية يعني لابد من وجود المرض في الحلال وتعرف ذلك من خلال أخذ كم راس من الغنم وتوديها للزراعة وياخذون عينه ويسوو تحليل وتطلع النتيجة ثم يقررون بعد ذلك التطعيم او لا

[د/فهدالشمري]

نعم التطعيم يجهض الاغنام الحوامل خصوصا في الاشهر الاخيرة من الحمل وبالنسبة للتطعيم يعطي الحيوان مناعه ضد البروسيلا(المالطية)ثلاث سنوات بحول الله والافضل ان يطعم الحلال ضد البروسيلا لانه مرض ينتقل للانسان خصوصا من يشرب حليبها