استشاره

[السمره**]

عندي عنز هيه أكبر عنز عندي عمرها تقريبا ثمان سنين
آخر مره ولدت فيها جابت أتوام وكانت حالتهن الصحيه ممتازه
وما شاء الله عليها كانت الحليب عندها يشبعهن بس من سنتين
صارلها ثلاث مرات تسقط كل ما تعشر بعد شهرين أو ثلاثه تقريبا تقطع
الأكل ويجيها اسهال ويوم ترجع طبيعيه في أكلها ويوقف الاسهال ألقاها مسقطه .....
ممكن حد يقولي ليش هالحاله تصيبها كل ما تعشر ؟!

[الجار القريب]

ياخوفي ان احد شايفها ولاذكر الله

تحصل بعض المرات من ناس قلوبها فقرانه

حمانا الله واياكم والمسلمين

[السمره**]

مشكور اخوي الجار القريب على المرور الكريم
إنشاء الله خير ...

[@خالد@]

حياك الله اختي
والله يشفي حلالك
بالنسبه للاسقاط فا من المعروف عند حدوث اسهال شديد اكرمك الله تسقط العنز اذا كان الضريع في بدايته
ويبقى السؤال الاهم وهو ما سبب هذا الاسهال
هل غيرتي نوع العلف ؟
وماهو نوع العلف
هل هذا الاسهال لا ياتي الا بعد الضريع والا هو ياتي لها فتره وينقطع وقد تكون مرت هذه الحاله على احد الاخوان ويتمكن بعد التوضيح اكثر من الاجابه عليك
يبقي لدي علاج وليس منه ضرر ان شاء الله واستخدمه في غنمي جميع وهو
بنسلين 5 سانتي بالعضل وهذا بسبب انه قد يكون لديها الاتهابات في الرحم
هذا ما لدي وانشاء الله ان الاخوان يفيدونك بما لديهم
تقبلي احترامي وتقديري

[تمام]

حياك الله

هل الحاله في نفس هذي الماعز فقط

وهل قمت بالتحصين ضد البروسيلا (المالطيه)

الله يرفع عن حلالك الضر ويبارك لك

[السمره**]

مشكور أخوي خالد وجزاك الله خير على مرورك الكريم..
وجوابا على سؤالك لا ماغيرتلها نوع العلف والاعلاف اللي
نستخدمهن النخاله المخلوط بالشعير والذره. والبرسيم الجاف
وهي أول شيء تقطع الأكل وبعد يوم أو يومين ايجيها اسهال
ويوم ترجع تاكل وينقطع الاسهال القاها مسقط .وهذا ما يجيها الا يوم تعشر!

[@خالد@]

والله اختي حاله غريبه
ولاكن تأكدي من ما قاله
الاخ الغالي
تمام
قد تكون مالطيه
ومن المعلوم ان الشاه المصابه بالمالطيه تحمل الفايروس لفتره طويله
ومن اعراضه
1- نزول الشعر في يديك عندأمساك العنز بسهوله في العنز المصابه بالمالاطيه
2- ضعف في الغنز وظمورها وتدهور صحتها
3- اسقاط المضاريع للاجنه (الاجهاض )
4- ارتفاع في الحراره
اختي الكريمه والله ليس من راء كم سمع ونحن نحاول جاهدين لتشخيص الحاله
وان شاء الله الاخوان مايقصرون
ونطلب من الله العلي القديري ان يشفى حلالك ويبارك فيه

[السمره**]

الله يحيك أخوي تمام ومرحبابك مره ثانيه أخوي خالد ومشكورين على المرور الكريم ...
أنا ما حصنتا بس اهي ما فيها هالأعراض اللي ذاكرنها الاخ خالد
تساقط الشعر وتدهور الصحه ضعف العنز ماشاء الله عليها من بعد ما تسقط اترد طبيعيه
في اكلها وفي كل شيء .
جزاكم الله خير...