ارجوا منكم المساعده

[الخمائل]

السلام عليكم ورحمة الله وبركاته
عندي شاه نجديه والد حليبها قليل ولا تأكل مثل باقي الحلال اكلها قليل وترضع صغارها لها اسبوعين والد هل هذا طبيعي وهل يحتاج الصغار ان ارضعهم من غيرها افيدوني ...جزاكم الله خيرا

[صمت الكبرياء]

موفق بأذن الله لك مني أجمل تحية،،،

[أبوأريام]

الحقيقه ماعندي الخبره الكافيه في النجد

لاكن الشاه بعد الولاده تحتاج بعض العلاجات العلاجات مثل المضاد الحيوي

والمقوي العام وابره النحاس

وتكرمها بالبرسيم والشعير وتكون معزوله يعني تقريبآ عشره ايام او حسب صحتها

واذا حليبها قليل شف غيرها ورضعهم منها

والله يشفي حلالك

[بوياسر]

اول شي تسويه تقيس حرارتها اذا كانت حرارتها مرتفعه
عطها 5 سنتي بنسلين طويل المفعول في العضل و خافض حراره
اما اذاكانت الحراره طبيعيه فعليك بالاتي
هل الشاه بكر اول مره تولد؟
لانه الابكار حليبهن اقل
كم طلي او رخله تحتها؟
الشاه الي تحتها رخله و حده حليبها اقل بكثير هن ام الطليان الاثنين
كيف ممكن تزيد من ادرار الحليب؟
عطها دبس او تمر في الماء
و اخلطلها مقدار فنجال قهوه حلبه و فنجال سمسم مع الشعير او السبوس
و اذا تقدر تعطيها فيتامين بي 12
2 سنتي تحت الجلد يكون ممتاز لفتح الشهيه

[الخمائل]

صمت الكبرياء اشكر مرورك
أبو أريام
بوياسر
أشكركم أفتوني كثيرا وجزاكم الله خيرا الجزاء